पुणे : राष्ट्रवादी कॉंग्रेसचे खासदार डॉ. अमोल कोल्हे यांचे जुन्नर तालुक्यातील नारायणगाव येथील बंधू सागर रामसिंग कोल्हे यांनी शिवसेना उपनेते शिवाजीराव आढळराव-पाटील यांच्याबद्दल अत्यंत शिवराळ भाषेत आपल्या फेसबुक पेजवरून टीका टिप्पणी केली. आढळराव यांची सोशल मीडियावर होत असलेली ही बदनामी बुधवारी (ता. 10 मार्च) रात्री साडेनऊच्या सुमारास शिवसैनिकांच्या लक्षात आली. त्यानंतर ज्येष्ठ शिवसैनिक तथा मंचरचे माजी सरपंच दत्ता गांजाळे यांनी फिर्याद दिली. त्यानुसार सागर कोल्हे यांच्या विरोधात मंचर पोलिसांनी अदखलपात्र गुन्हा दाखल केला आहे.
मंचरचे माजी सरपंच दत्ता गांजाळे यांनी याबाबत फिर्याद दिली आहे. पुणे नाशिक हायस्पीड रेल्वे प्रकल्पाला राज्य सरकारकडून अर्थसंकल्पात नुकतीच मंजुरी दिली. त्यावरून खासदार डॉ. अमोल कोल्हे यांचे मोठे बंधू यांच्या नावाने असलेल्या फेसबुक पेजवरून शिवसेना उपनेते, माजी खासदार शिवाजीराव आढळराव-पाटील यांच्याबद्दल अपशब्द वापरून काही वादग्रस्त पोस्ट प्रसिद्ध करण्यात आल्या. याप्रकरणी सोशल मीडियावर आक्षेप नोंदविण्यात आले. त्यामुळे दत्ता गांजाळे यांनी सागर कोल्हे यांच्या विरोधात मंचर पोलीस ठाण्यात फिर्याद दाखल केली. त्यानुसार पोलिसांनी कोल्हेविरोधात अदखलपात्र गुन्हा दाखल केला आहे.
दत्ता गांजाळे म्हणाले, औरंगाबादला छत्रपती संभाजीनगर नाव देण्यावरुन कोल्हे यांनी केवळ नामकरण केल्याने काय साध्य होणार आहे.अशी विरोधी भूमिका घेतल्यामुळे त्यांना जनतेने ट्रोल केले होते. त्यातच पुणे-नाशिक रेल्वे प्रकल्पाला राज्याची मंजुरी मिळाल्याने डॉ. कोल्हे यांनी श्रेयासाठी केलेल्या प्रयत्नांना सोशल मीडियावर लोकांनी जबरदस्त ट्रोल केले.
दरम्यान, खासदार डॉ. अमोल कोल्हे हे आपल्या कुटुंबीयांवर संस्कार बिंबवायला का कमी पडले, हे त्यांनी जाहीर करावे. तसेच त्यांच्या बंधूंच्या या घाणेरड्या वर्तणुकीबद्दल माजी खासदार शिवाजीराव आढळराव-पाटील यांची जाहीर माफी मागावी; अन्यथा आंदोलन केले जाईल, असा इशारा गांजाळे यांनी यावेळी दिला.
महत्वाच्या बातम्या
- वनमंत्री पदावर काम करण्यासाठी हरिभाऊ राठोड यांचे उद्धव ठाकरेंना पत्र
- #MPSC : ‘तुमच्या विभागाने तुम्हालाच न विचारता निर्णय घेऊन तुम्ही किती ‘लायक’ आहात हे दाखवून दिले’
- पुण्यात स्पर्धा परीक्षांसाठी कोचिंग क्लासेसला परवानगी !
- ‘मुख्यमंत्र्यांसाठी मी आमदारकी पणाला लावली; आता संजय राठोडांच्या जागी मला मंत्री करा’
- मोठी बातमी : पुण्यात लॉकडाऊन नाही, मात्र ‘हे’ कडक निर्बंध लागू होणार !
