निवडणूक आयोगावर गुन्हा दाखल करा- उद्धव ठाकरे

मुंबई: निवडणूक यंत्रणा भ्रष्ट असून निवडणूक आयोगावर गुन्हा दाखल करा, अशी मागणी शिवसेना पक्षप्रमुख उद्धव ठाकरे यांनी केली आहे. तसेच निवडणूक आयुक्त पदासाठी निवडणूक घ्या ? निवडणूक यंत्रणा चालवणारा आणि निवडणूक लढवणार पक्ष एकच असल्यामुळे पालघरच्या निवडणुकीत सगळा घोळ झाला, असेही ते म्हणाले. निवडणुकांचे निकाल जाहीर झाल्यानंतर उद्धव ठाकरे यांनी पत्रकार परिषेद घेतली.

दरम्यान, उद्धव ठाकरे म्हणाले ‘पालघर निवडणुकीत सुरुवातीपासूनच घोळ आहे. मग ती मुख्यमंत्र्यांची ऑडिओ क्लिप असो, ईव्हीएममध्ये बिघाड असो वा आजच्या मतमोजणीतील आकडेवारीची तफावत असो. सर्वच पातळीवर निवडणूक यंत्रणा अपयशी ठरली आहे’. अशी टीका भाजप व निवडणूक आयोगावर केली.

भाजपा खासदार चिंतामण वनगा यांच्या निधनामुळे रिक्त झालेल्या पालघर लोकसभा मतदारसंघातील पोटनिवडणुकीचा निकाल आज जाहीर झाला. यामध्ये भाजपचे राजेंद्र गावित विजयी झाले आहेत. गावित यांनी शिवसेनेचे उमेदवार तथा चिंतामण वनगा यांचे पुत्र श्रीनिवास वनगा यांचा ४४,५८९ मतांनी पराभव केला आहे.