‘कायद्याची लढाई कायद्याने लढा, कोल्हापुरी चपलाने नको’, चंद्रकांत पाटलांचा पलटवार

🕒 1 min read

पुणे : कोल्हापूरकडे निघालेल्या किरीट सोमय्या यांना सातारा जिल्ह्यातील कराड रेल्वे स्थानकावरून पोलिसांनी ताब्यात घेतले होते. त्यानंतर सोमय्या यांनी हसन मुश्रीफ यांच्यावर जोरदार टीका केली आहे. त्याला प्रत्युत्तर देताना मुश्रीफ यांनी खरे मास्टरमाईंड चंद्रकांत पाटील आहेत असा आरोप केला आहे. सोमय्यांच्या मागे भाजपाचे फार मोठे षडयंत्र आहे असे मुश्रीफ यांनी म्हटले होते. त्यावर आता भाजपा प्रदेशाध्यक्ष चंद्रकांत पाटील यांनी उत्तर दिलं आहे.

पुणे येथे बोलताना पाटील म्हणाले की, मुश्रीफ यांना माझं नाव घेतल्याशिवाय शांत झोप लागत नाही. किरीट सोमय्या हे आरोप करत आहेत तर मग कोल्हापूर जिल्हा बंदची कारवाई कशासाठी ? असा सवाल त्यांनी केला. ईडीची लढाई करताना तोंडाला फेस येईल, त्यामुळे कायद्याची लढाई कायद्याने लढा. कोल्हापुरी चपलेने नको. येत्या दोन दिवसांत कॉंग्रेसच्या दोन बड्या नेत्यांचे घोटाळे बाहेर काढणार असल्याचा इशाराही त्यांना दिला आहे.

‘ईडीला तोंड देणं कठीण आहे. तोंडाला फेस येईल. कारखान्यांमध्ये ज्या कंपन्यांमधून ९८ कोटी आले त्या कंपन्या कुठे आहेत यावर बोला. त्या कंपन्यांनी कोलकातामधून सेनापती घोरपडे कारखान्यात कशी गुंतवणूक केली त्यावर तुम्ही बोला. त्यामुळे मला मुश्रीफ यांना आवाहन करायचं आहे शांत डोक्याने काम करायचं असतं, असं चंद्रकांत पाटील म्हणाले.

महत्त्वाच्या बातम्या

• सोमय्यांच्या रडावर आता ठाकरे कुटुंबीय; अलिबागला जाऊन रश्मी ठाकरेंच्या बंगल्यांची पाहणी करणार
• मुख्यमंत्र्यांनी हस्तक्षेप करून किरीट सोमाय्यांवर होत असलेली कारवाई थांबवायला हवी होती – फडणवीस
• ‘सोमय्या फक्त साधन, खरे मास्टरमाईंड चंद्रकांत पाटीलच’, हसन मुश्रीफांचा आरोप
• चंद्रकांत पाटलांकडून मला भाजपात येण्यासाठी ऑफर; हसन मुश्रीफांचा गौप्यस्फोट
• कुटुंबांवर केलेले आरोप बिनबुडाचे, सोमय्यांच्या सीए पदवीवरच मला शंका-हसन मुश्रीफ