परभणी : कर्जफेडीसाठी धमक्या आणि आर्थिक विवंचनेतून सोनपेठमधील तरुण शेतकऱ्यांनी विषारी औषध प्राशन करून आत्महत्या केल्याची घटना मंगळवारी घडली. मंगळवारी दुपारी चंद्रकांत ऊर्फ मुंजाजी भगवान धोंडगे यांनी व्हॉट्सअपला स्टेटस ठेवून आपण आत्महत्या करत असल्याचे सांगितले. यानंतर त्यांनी शेतात जाऊन विषारी औषध प्राशन करून आपली जीवनयात्रा संपवली.
सोनपेठ तालुक्याच्या तिवठाणा गावातील तरुण शेतकरी चंद्रकांत धोंडगे यांनी आपल्या व्हॉट्सअप स्टेटसमध्ये लिहिले होते की, “मी शेतात आहे, उद्या सकाळी माझी माती आहे. सगळ्यांनी यावे. मला पैशांसाठी धमक्या येत आहेत. म्हणून मी आत्महत्या करत आहे. माझ्या मुलांचा सांभाळ करा, पैश्यामुळे मला त्रास झाला.” असे लिहिलेल्या कागदांचे फोटो त्यांनी आपल्या स्टेटसवर ठेवले होते.
या प्रकाराची माहिती चंद्रकांत यांचे चुलते हनुमान धोंडगे यांना मिळाल्यावर त्यांनी ताबडतोब शेतात धाव घेतली. विष प्राशनाने अत्यवस्थ झालेल्या चंद्रकांत यांना त्यांनी लगेच गंगाखेड उपजिल्हा रुग्णालयात दाखल केले. परंतु तेथे डॉक्टरांनी तपासून त्यांना मृत घोषित केले. मृत शेतकरी धोंडगे यांच्या पश्चात पत्नी, सहा वर्षांचा मुलगा, दोन वर्षांची मुलगी, एक भाऊ, एक विवाहित बहीण असे कुटुंब आहे. या घटनेनंतर पोलिसांनी आकस्मिक मृत्यूची नोंद करून पुढील तपास सुरू असल्याचे सांगितले.
महत्वाच्या बातम्या
- नेवासे तालुक्यातील रस्त्यांना ‘शंभर कोटी’चा निधी, नेवासा -शेवगाव रस्त्याची साडेसाती सुटणार
- रिहाना आणि ग्रेटा थनबर्ग नंतर मिया खलिफा उतरली शेतकऱ्यांच्या समर्थनात !
- आगामी कसोटी सामन्यातील भारताच्या कामगिरीवर इंग्लंडच्या दिग्गजाचे भाष्य !
- मनपा कर्मचाऱ्यांसाठी खुशखबर, राष्ट्रीय निवृत्ती योजना लागू होणार
- शेतकरी आंदोलनाला पाठिंबा देणे हे शिवसेनेचे ढोंग; संजय निरूपमांचा टोला
