खळबळ! ‘रावसाहेब दानवेंनी पैशाचे वाटप करून माझा पराभव केला’, चंद्रकांत खैरेंचा गंभीर आरोप

🕒 1 min read

औरंगाबाद : शिवसेना नेते तथा माजी खासदार चंद्रकांत खैरे आणि भाजप नेते आणि केंद्रीय राज्यमंत्री रावसाहेब दानवे यांच्यातील हाडवैर सर्वश्रूत आहे. युतीमध्ये एकत्र असतानाही दोघांचे फारसे कधी पटले नाही. आता तर विरोधक असतानाही त्यांच्यात नेहमीच कलगीतुरा रंगलेला पाहायला मिळाला आहे. मात्र, आता खैरे यांनी दानवेंवर गंभीर आरोप करून खळबळ उडवून दिली आहे.

दानवे यांनी रुग्णालयात बसून पैशांचं वाटप केलं. त्यामुळेच माझा पराभव झाला, असा गौप्यस्फोट चंद्रकांत खैरे यांनी केला आहे. जावयाला पुढे करून दानवेंनी माझा पराभव केला. आता तोच जावई दानवेंना शिव्या घालत आहे, असा हल्लाही खैरे यांनी चढवला.

शिवसेना नेते चंद्रकांत खैर औरंगाबादमधून चारवेळेस खासदार म्हणून निवडून गेले आहेत. पण २०१९ च्या लोकसभा निवडणुकीत त्यांचा पराभव झाला आहे. हा पराभव रावसाहेब दानवे यांच्या दगाबाजीमुळे झाला असा आरोप चंद्रकांत खैरे यांनी केला आहे. ‘युती असतानाही दानवेंनी माझ्या विरोधात स्वतःच्या जावयाला उभे केले. अनेक नगरसेवक फोडले तसेच पैशांचा वापर करून दानवेंनी माझ्या विरोधात छुपा प्रचार केला होता’ असं शिवसेना नेते चंद्रकांत खैरे यांनी सांगितले.

महत्त्वाच्या बातम्या

• ग्रेट भेट! सलमानने शेअर केले मीराबाईसोबतच्या भेटीचे फोटो
• निराशादायक! इस्त्रोची जीएसएलव्ही- एफ १० उपग्रह मोहीम अपयशी
• आयपीएल तयारीसाठी माही चेन्नईच्या कॅम्पमध्ये दाखल, व्हिडीओ व्हायरल
• ऐतिहासिक महेमूद दरवाजा लगतच्या अतिक्रमण धारकांना २४ तासांची मुदत
• मंत्रिमंडळ बैठकीत ठरलं ; राज्यातील हॉटेल्स, मॉल्स रात्री 10 पर्यंत सुरु राहणार