🕒 1 min read
मुंबई : भाजप नेते निलेश राणे (Nilesh Rane) यांनी उपमुख्यमंत्री अजित पवार (Ajit Pawar) यांच्यावर टीका करताना ‘अजित पवार स्वतःच्या नाकातला शेंबुड पुसा अगोदर’, अशी टीका केली होती. त्यावर राष्ट्रवादी काँग्रेसच्या नेत्या रुपाली ठोंबरे पाटील (Rupali Thombre Patil) यांनी आपल्या आक्रमक शैलीत निलेश राणेंना प्रत्युत्तर दिले आहे. ‘वडिलांच्या खांद्यावर बसूनही अजित पवार यांच्या नाकापर्यंत उंची भरणार नाही’, असा खोचक टोला रुपाली ठोंबरे पाटील यांनी निलेश राणेंना लगावला आहे.
याबाबत रुपाली ठोंबरे ट्विट करत म्हणाल्या, ‘चा ‘राणे’ ने आपल्या वडिलांच्या खांद्यावर बसूनही अजित पवारांच्या नाकापर्यंत राजकीय उंची भरणार नाही. पराभूतसम्राट सांगे लोकांना, शेंबुड त्याच्याच नाकाला’, अशी टीका रुपाली ठोंबरे यांनी केली आहे.
चा"राणे" ने आपल्या वडिलांच्या खांद्यावर बसूनहि "अजितदादा" च्या नाकापर्यंत राजकीय उंची भरणार नाही. #पराभूतसम्राट सांगे लोकांना, शेम्बुड त्याच्याच नाकाला
— Rupali patil thombare (@Rupalispeak) December 28, 2021
निलेश राणे अजित पवार यांच्यावर टीका करताना म्हणाले होते, ‘राज्य सहकारी बँक लुटली, सहकारी साखर कारखाने आजारी पाडून कवडीमोल किंमतीत खरेदी करून स्वतःच्या कुटुंबियांच्या नावे केले. ज्याचं नाव लिहून पश्चिम महाराष्ट्रातील शेतकरी आत्महत्या करतात तो माणूस सिंधुदुर्गात येऊन सहकारातील ज्ञान पाझळतो. अजित पवार स्वतःच्या नाकातला शेंबुड पुसा अगोदर.’ असा खोचक टोला निलेश राणे यांनी अजित पवारांना लगावला होता.
त्याचे पडसाद उमटण्यास सुरुवात झाली असून राष्ट्रवादी काँग्रेस आणि भाजप नेते आक्रमक झाले आहेत. राष्ट्रवादी काँग्रेसच्या नेत्या रुपाली ठोंबरे यांनी आपल्या आक्रमक शैलीत निलेश राणेंना प्रत्युत्तर दिले आहे. आता यावर राणे काय प्रत्युत्तर देतात याकडे सर्वांचे लक्ष लागले आहे.
महत्वाच्या बातम्या
- रोहिणी खडसेंच्या गाडीवर हल्ला करणाऱ्यांवर कारवाई व्हावी- रुपाली ठोंबरे पाटील
- रोहिणी खडसेंच्या गाडीवर हल्ला करणाऱ्यास जशास तसे उत्तर देण्यात येईल; राष्ट्र्वादीचा इशारा
- रोहिणी खडसे हल्ल्याचा मुद्दा विधानसभेत मांडणार- चंद्रकांत पाटील
- ‘…यामुळे सापसुद्धा चावतो ही आधीच माहीत असलेली गोष्ट नव्याने समजली’
- चंद्रकांत पाटलांच्या ‘त्या’ वक्तव्यावरुन शरद पवारांनी घेतला खरपूस समाचार
बातम्यांसाठी YouTube चॅनेल Subscribe करा
Subscribe Now
