🕒 1 min read
औरंगाबादः सोयगाव नगरपंचायतीच्या निवडणुकीकरीता शेवटच्या दिवशी तब्बल ५८ उमेदवारांनी अर्ज दाखल केले आहेत. त्यामुळे आता १७ जागांसाठी ९० जणांनी उमेदवारी अर्ज दाखल केल्याची माहिती निवडणूक अधिकारी संजीव मोरे यांनी दिली. १३ डिसेंबरपर्यंत उमेदवारांना अर्ज मागे घेण्यासाठी मुदत देण्यात आली आहे.
नगर पंचायत निवडणुकीच्या उमेदवारी अर्ज स्वीकृतीसाठी दुपारी तीनऐवजी दोन तास कालावधी वाढवून पाच वाजेपर्यंत उमेदवारी अर्ज दाखल करण्यासाठी वाढवून दिला. दुपारी दोन वाजेपासूनच ऑनलाइन अर्जासाठीचे संकेतस्थळ बंद करण्यात आल्याने दिलेल्या कालावधीचा इच्छुकांना उपयोग झाला नाही. त्यामुळे ऐनवेळी इच्छुकांची निराशा झाली. प्राप्त झालेल्या अर्जांमध्ये शिवसेना-१७, भाजपा- १७, प्रहार- १, काँग्रेस- १३, राष्ट्रवादी-८ आणि वंचित बहुजन आघाडी-२ याप्रमाणे उमेदवारी अर्ज दाखल झाले आहेत.
फुलंब्री येथील नगरपंचायतीच्या दोन जागांसाठी २१ डिसेंबर रोजी पोट निवडणूक होत आहे. यासाठी १५ जणांनी १६ उमेदवारी अर्ज भरले आहेत. फुलंब्री नगरपंचायतीतील दोन नगरसेवकांविरोधातील शासकीय जमिनीवर अतिक्रमण केल्याचा आरोप सिद्ध झाल्यानंतर या जागा रिक्त झाल्या होत्या. त्यांच्यासाठी ही पोटनिवडणूक होत आहे. तर सिल्लोड नगर परिषदेच्या एका जागेच्या पोटनिवडणुकीसाठी २१ डिसेंबर रोजी मतदान घेण्यात येणार आहे.
महत्त्वाच्या बातम्या
- आशिष शेलारांवर कारवाई सुडबुद्धीने- प्रविण दरेकर
- ‘आशिष शेलार शिवसेनेविरोधात आक्रमकतेने बोलतात म्हणून…’, फडणवीसांचे टीकास्त्र
- कर्णधार बनल्यानंतर रोहित शर्माने विराट कोहलीबाबत केले मोठे वक्तव्य
- ‘सर्वांनी दूसरा डोस घ्या अन्यथा…’; ओमायक्रॉनच्या पार्श्वभूमीवर अजित पवारांचे मोठे विधान
- एक जागा तीन दावेदार…कोण असणार एकदिवसीय संघाचा उपकर्णधार?
