मुंबई: शिवसेनेचे बंडखोर नेते एकनाथ शिंदे (Eknath Shinde) यांनी शिवसेनेशीच बंडखोरी करत वेगळा गट स्थापन केला आहे. शिवसेनेचे डझनभर नेत्यांनी शिंदे गटात शामिल होण्याचा निर्णय घेतला आहे. याचा शिवसेनेला मोठा धक्का बसला आहे. तसेच राज्यातील महाविकास आघाडी सरकारवरही संकट कोसळले आहे. या सर्व बंडामागील खुलासा एकनाथ शिंदे यांनी ट्वीट करत केला आहे.
“मुंबई बाँबस्फोट घडवून निष्पाप मुंबईकरांचा जीव घेणाऱ्या दाऊदशी थेट संबंध असणाऱ्यांना हिंदुहृदयसम्राट वंदनीय बाळासाहेब ठाकरे यांची शिवसेना समर्थन कशी करू शकते? यालाच विरोध म्हणून उचललेलं हे पाऊल; आम्हा सर्वांना मृत्यूच्या दारात घेऊन गेले तरी बेहत्तर.”, असे ट्वीट एकनाथ शिंदे यांनी केले आहे.
मुंबई बाँबस्फोट घडवून निष्पाप मुंबईकरांचा जीव घेणाऱ्या दाऊदशी थेट संबंध असणाऱ्यांना हिंदुहृदयसम्राट वंदनीय बाळासाहेब ठाकरे यांची शिवसेना समर्थन कशी करू शकते…?
यालाच विरोध म्हणून उचललेलं हे पाऊल; आम्हा सर्वांना मृत्यूच्या दारात घेऊन गेले तरी बेहत्तर..#MiShivsainik @rautsanjay61— Eknath Shinde – एकनाथ शिंदे (@mieknathshinde) June 26, 2022
या ट्वीटमधून शिंदे यांनी राष्ट्रवादीचे नेते आणि सध्या कारागृहात असलेले नवाब मलिक यांच्यावर निशाणा साधला आहे. काँग्रेस, राष्ट्रवादी आणि शिवसेना या तीन पक्षांची महाविकास आघाडी सरकार बनली आहे. मात्र शिंदे यांच्या बंडानंतर तीन चाकांचे सरकार कोसळण्याच्या मार्गावर येऊन ठेपले आहे. आता शिंदे यांच्या या खुलास्यानंतर शिवसेनेकडून काय प्रतिक्रिया उमटते याकडे सर्वांचे लक्ष लागले आहे.
महत्वाच्या बातम्या:
- Nilesh Rane : “…त्यांच्यामुळेच तुझा बाप त्या खुर्चीवर बसला आहे”, ‘त्या’ वक्तव्यावरून निलेश राणेंनी आदित्य ठाकरेंना सुनावले
- IRE vs IND 1st T20 : हार्दिकच्या टीम इंडियाचा विजयारंभ; मालिकेत घेतली आघाडी!
- IRE vs IND 1st T20 : टीम इंडियानं जिंकला टॉस; तेजतर्रार गोलंदाज उमरान मलिकचं पदार्पण!
- Eknath Shinde : एकनाथ शिंदेंचा शिवसेनेला धक्का; ठाकरे सरकारविरोधात सर्वोच्च न्यायालयात दोन याचिका
- Amit Shah : अमित शहा मैदानात; व्हिडिओ कॅान्फरन्सिंगद्वारे बंडखोर आमदारांशी साधला संवाद
