मुंबई : ज्येष्ठ नेते एकनाथ खडसे यांनी अवघ्या काही दिवसांपूर्वी चार दशकांचा भाजपसोबत असलेला संसार मोडून राष्ट्रवादी काँग्रेस पक्षात प्रवेश केला. यानंतर त्यांना महत्वाचं मंत्रिपद व राज्यपाल नियुक्त कोट्यातून आमदारकी मिळणार असल्याच्या चर्चा सुरु झाल्या होत्या.
मंत्रिपदावरून अद्याप कोणतीही चर्चा करण्यात आली नसल्याचं राष्ट्रवादीचे प्रदेशाध्यक्ष जयंत पाटील आणि एकनाथ खडसे यांनी सांगितलं असलं तरी राज्यपाल नियुक्त कोट्यातून होणाऱ्या १२ जागांपैकी राष्ट्रवादीतर्फे खडसेंच नाव निश्चित करण्यात आलं आहे. मात्र, खडसेंच्या या आमदारकीवरून आता नवा वाद निर्माण होण्याची शक्यता निर्माण झाली आहे.
सामाजिक कार्यकर्ता अंजली दमानिया यांनी राज्यपालांची भेट घेऊन एकनाथ खडसेंच्या नियुक्तीला विरोध केला आहे. दैनिक लोकमतने दिलेल्या वृत्तानुसार, एकनाथ खडसे यांचं नाव राष्ट्रवादीकडून राज्यपाल नियुक्त सदस्यांसाठी पाठवण्यात आले आहे. सामाजिक कार्यकर्त्या अंजली दमानिया यांनी 1 नोव्हेंबर रोजी राज्यपाल भगतसिंग कोश्यारी यांची भेट घेतली आणि त्यांनी एकनाथ खडसे यांचा नावाला विरोध केला.
खडसेंचं नाव यादीत येणे हे संतापजनक आहे. त्यांच्यावर भ्रष्टाचाराचे आरोप आहे. भ्रष्टाचारी नेत्याला पुन्हा एकदा राजकारणात आणले जात आहे. खडसे हे पुन्हा जर राजकारणात सक्रीय झाले तर भ्रष्टाचाराविरोधी लढ्याला काही अर्थ राहणार नाही, असं अंजली दमानिया यांनी म्हटलं आहे.
महत्वाच्या बातम्या
- शेतकऱ्यांची फसवणूक टाळण्यासाठी विशेष कायदा करणार – अनिल देशमुख
- ‘या’ काँग्रेसशासित राज्यात फटाके फोडण्यास बंदी
- शरद पवारांनी एकनाथ खडसेंना वाचवण्याचाच प्रयत्न केला : अंजली दमानिया
- कांदा खरेदीवर लावलेले निर्बंध उठवण्याबाब मुख्यमंत्र्याचे केंद्राला पत्र; आता उत्तराची प्रतीक्षा
- ‘सगळं उघड केलं ना तर काँग्रेसला तोंड दाखवणंही अवघड होईल’
