नवी दिल्ली : कसोटी क्रिकेटमध्ये कर्णधार विराट कोहलीचा अलीकडचा फॉर्म फारसा चांगला राहिलेला नाही. गेल्या आठवड्यात सेंच्युरियन कसोटीच्या दोन्ही डावांत कोहली ऑफ स्टंपबाहेरील चेंडूवर बाद झाला होता. विराट कोहली चेंडू सोडू शकला असता, पण कव्हर ड्राइव्ह शॉट खेळण्याचा मोह त्याला आवरता आला नाही.
कोहली अशा प्रकारे आऊट झाल्यामुळे दिग्गज क्रिकेटपटू त्याला सचिन तेंडुलकरकडून धडा घेण्याचा सल्ला देत आहेत. २००३ – ०४ च्या ऑस्ट्रेलिया दौऱ्यात सचिन याच पद्धतीने बाद होत होता. पण सिडनी कसोटीत तो एकही कव्हर ड्राइव्ह खेळला नाही, परिणामी त्याने पहिल्या डावात नाबाद २४१ धावा केल्या होत्या. दरम्यान, माजी सलामीवीर आकाश चोप्राने विराट कोहलीबाबत वक्तव्य केले आहे. चोप्रा देखील त्या प्रसिद्ध सिडनी कसोटीचा एक भाग होता. चोप्रा म्हणाला, विराट कोहली क्वचितच तेंडुलकरच्या दृष्टिकोनाचा अवलंब करेल, परंतु कोहली आपला फॉर्म परत मिळविण्यासाठी थोडा अधिक संयम दाखवू शकतो.
आकाश चोप्रा म्हणाला, “कोहली थोडा अधिक संयम दाखवू शकतो. सिडनी २००४ चा नवीन वर्षाचा कसोटी सामना आठवा, जेव्हा सचिन तेंडुलकर एकही कव्हर ड्राइव्ह खेळला नव्हता. यापूर्वी तो कव्हर ड्राईव्ह खेळण्यासाठी बाहेर पडत होता. विराटला सचिन तेंडुलकरच्या मार्गाने जाण्याची गरज नाही कारण सचिनकडे खेळण्यासाठी विराटपेक्षा जास्त शॉट्स होते.”
महत्वाच्या बातम्या –
- धोनी आणि पोनी; साक्षीने शेअर केला मजेदार व्हिडिओ
- “डी कॉकच्या निवृत्तीचा कोणताही परिणाम होणार नाही”, डीन एल्गरचा भारताला इशारा
- विराट कोहली दुसऱ्या कसोटी सामन्यातून बाहेर; ‘हा’ खेळाडू करणार संघाचे नेतृत्व
- विराट कोहली माध्यमांसमोर कधी येणार?; राहुल द्रविडने केला खुलासा
