मुंबई : बॉलीवुडचे जेष्ठ अभिनेते दिलीप कुमार यांना श्वास घ्यायला त्रास होत असल्याने आज रविवारी सकाळी मुंबई येथील रुग्णालयात दाखल करण्यात आले आहे. गेल्या काही दिवसापासुन त्यांना श्वास घ्यायला त्रास होत होता. सध्या त्यांच्यावर उपचार सुरु आहे.
९८ वर्षीय दिलीप कुमार यांना श्वास घ्यायला त्रास होत असल्यामुळे त्यांना अस्वस्थ वाटत होते. यामुळे त्यांना हिंदुजा रुग्णालयात दाखल करण्यात आले होते. हिंदुजा रुग्णालयातील नॉन कोविड वार्डात त्यांच्यावर उपचार सुरु आहेत. मागील महिन्यातही प्रकृती खालावल्यामुळे त्यांना रुग्णालयात दाखल करण्यात आले होते. आज नियमीत तपासणी आणि श्वास घ्यायला होत असलेल्या त्रासामुळे त्यांना रुग्णालयात दाखल करण्यात आले.
दरम्यान त्यांची भेट घेवून तब्यतेची विचारपूस करण्यासाठी राष्ट्रवादी काँग्रेसचे प्रमुख आणि खासदार शरद पवार यांनी ज्येष्ठ अभिनेते दिलीप कुमार यांची हिंदुजा रुग्णालयात भेट घेतली. याबटची माहिती त्यांनी स्वत: ट्वीट करून दिली आहे. ‘खार हिंदुजा हॉस्पिटलमध्ये ज्येष्ठ अभिनेते दिलीप कुमारजी आणि ज्येष्ठ अभिनेत्री श्रीमती सायरा बानो यांची आज भेट घेतली. त्याच बरोबर त्यांचे आरोग्य आणि त्यांच्यावरील उपचार विचारपूस केली. दिलीपकुमारजी यांना उत्तम आरोग्य मिळावे अशी माझी इच्छा आहे.’ अशा आशयाचे ट्वीट त्यांनी यावेळी केले आहे.
Visited legendary actor Shri Dilip Kumarji at Khar Hinduja Hospital today to check on his health and treatment, with the veteren actress Smt Saira Banu.
I wish Shri Dilip Kumarji a speedy recovery and good health!— Sharad Pawar (@PawarSpeaks) June 6, 2021
दरम्यान, यापुर्वी मे महिन्यातही दिलीप कुमार यांना हिंदुजा रुग्णालयात दाखल करण्यात आले होते. त्यावेळी नियमीत वैद्यकीय तपासणी आणि काही चाचण्या करण्यासाठी त्यांना रुग्णालयात आणल्याचे सायरा बानु यांनी सांगितले होते. दिलीप कुमार हे बॉलिवुडचे पहिले सुपरस्टार म्हणून ओळखले जातात.
महत्त्वाच्या बातम्या
- मंजूर प्रकल्प थांबवणारे राजेश टोपे वांझोटे मंत्री, बबनराव लोणीकर यांची जहरी टीका
- मराठा असो वा कोणीही असो, संभाजीराजेंवरील टीका सहन करणार नाही; मराठा समन्वयकांचा इशारा
- स्पुतनिक लसीचा जुलै किंवा ऑगस्ट महिन्यात मोठा साठा उपलब्ध होणार : आरोग्यमंत्री
- लसीकरणाला गती देण्यासाठी, औरंगाबादेत लस न घेता रस्त्यावर फिराल तर बसेल ५०० रुपयांचा दंंड!
- अडीच टक्के पॉझिटीव्हीटी रेट असलेला लातूर जिल्हा सोमवारपासून पूर्णपणे अनलॉक
