रझा अकादमी भाजपाची बी टीम आहे तर…- देवेंद्र फडणवीस

🕒 1 min read

अमरावती : त्रिपुराच्या घटनेचे पडसाद महाराष्ट्रात काही भागात पडले होते. याच पार्श्वभूमीवर विरोधी पक्षनेते देवेंद्र फडणवीस(Devendra Fadnvis) हे काल(२१ नोव्हें.) अमरावती दौऱ्यावर होते. यावेळी अमरावतीमध्ये हिंसाचार झालेल्या भागाची फडणवीसांनी पाहणी केली. तसेच या दौऱ्यात त्यांनी दंगलग्रस्त भागाला भेट दिली.

तद्पश्चात फडणवीसांनी पत्रकार परिषदेमध्ये रझा अकादमीवर बंदी घालण्याची मागणी केली आहे. यासंदर्भात बोलत असतांना ते म्हणाले की,’रझा अकादमी ही काँग्रेसच्या काळातच पोलिसांवर हल्ले का करते? यापूर्वीही मुंबईमध्ये अशा प्रकारची दंगल आणि पोलिसांना मारण्याचे काम रझा अकादमीच्या मोर्चामध्येच का झाले होते. तेव्हाही काँग्रेसचे सरकार होते. त्यामुळे ही कोणाची बी टीम आहे हे सगळ्यांना माहिती आहे. रझा अकादमीवाल्यांसोबत कोणाचे फोटो आहेत हे देखील तपासले पाहिजे. आशिष शेलारांचे(Ashish Shelar) फोटो तुम्ही दाखवले पण मुख्यमंत्री उद्धव ठाकरे(Uddhav Thakray) यांचे दाखवले का? काँग्रेसच्या सगळ्या मंत्र्यांचा दाखवला का? त्यामुळे समजा त्यांचे मत आहे की रझा अकादमी भाजपाची बी टीम आहे तर मग मी आज मागणी करतो त्यांच्यावर बंदी घाला. काँग्रेसमध्ये हिम्मत नाही. कारण ते कोणाचे पिल्लू आहे हे सगळ्यांना माहिती आहे’, असेही ते म्हणाले.

You showed pics of Shelar. Did you show that of CM? No. Cong's ministers?No. Even if, for the sake of it, I agree that Raza Academy is BJP's B team,I demand ban on it. Will you do it?Cong doesn't have courage as everyone knows whose child Raza Academy is: Devendra Fadnavis(21.11) pic.twitter.com/4dKCc49wHa

— ANI (@ANI) November 22, 2021

दरम्यान, पुढे ते म्हणाले की,’१२ नोव्हेंबर रोजी अमरावतीमध्ये मोर्चा निघाला. या मोर्चाला काय विचार करुन परवानगी देण्यात आली याचीही चौकशी झाली पाहिजे. या मोर्चाच्या नंतर समाजकंटकांनी ज्याप्रकारे दुकाने आणि लोकांना लक्ष्य केले. यातून दंगल घडवायची होती म्हणून एका विशिष्ट समाजाच्या आणि धर्माच्या दुकानांवर हल्ला करण्यात आला. त्यातून अमरावतीची परिस्थिती बिघडली.’

महत्त्वाच्या बातम्या

• …तर आर्यन खान प्रकरण कशासाठी घडवले याचा तपास करावा लागेल- दिलीप वळसे पाटील
• ‘जे लोक हिंदुत्ववादी संघटनेशी संबंधित आहेत त्यांनाच जाणीवपूर्वक लक्ष्य केलं जातय’
• ‘सीएए, एनआरसी मागे घ्या नाहीतर…’, ओवैसींचा मोदी सरकारला इशारा
• विधानसभेसाठी उमेदवारी नाकारलेल्या विनोद तावडे यांची राष्ट्रीय सरचिटणीसपदी नियुक्ती
• खंडणी उकळण्याचा प्रयत्न करणारा प्रत्येक अधिकारी गजाआड व्हायलाच हवा- संजय राऊत