उस्मानाबाद: जिल्ह्यात कोरोना रुग्णांची संख्या वाढत आहे तसेच त्यात आता म्युकरमायकोसीस हा आजार सुद्धा पसरत आहे. अशा परिस्थितीत सुद्धा काही नागरिक नियमांचं पालन करत नसल्याचे दिसत आहे. कोरोनाचे हॉटस्पॉट बनले असतानाही भूम तालुक्यातील पाथरुड येथे काही व्यापारी व युवकांकडून बेजबाबदारपणाचे वर्तन घडत आहे. यामुळे कोरोनाचा संसर्ग आणखी वाढण्याची शक्यता निर्माण झाली आहे. शनिवारी अनेक ठिकाणी व्यावसायिकांनी आपला व्यवसाय सुरू ठेवला होता.
पाथरूडमध्ये कोरोना महामारी दिवसेंदिवस वाढत चालली आहे. पाथरूड प्राथमिक आरोग्य केंद्राअंतर्गत आतापर्यंत १०६ बाधित रुग्ण आढळले आहेत. यापैकी २८ ॲक्टिव्ह कोरोना रुग्ण आहेत. पाथरूड कोरोना हॉटस्पॉट बनले आहे. असे असतानाही अनेक व्यक्तींकडून अद्यापही नियमांचे उल्लंघन होत आहे. परिणामी मोठ्या प्रमाणात संसर्ग वाढत आहे. गावातील काही व्यापारी नियमाचे पालन करीत नाहीत. किराणा दुकान, फळाचे दुकाने तर काही ठिकाणी चहाचे हॉटेल उघडे ठेवण्यात येत आहेत. यामुळे संबंधित दुकानात मोठ्या प्रमाणात गर्दी होत आहे. यातून आणखी संसर्ग वाढत आहे.
ग्रामपंचायतच्या वतीने सातत्याने जनजागृती व आवाहन करूनही या व्यावसायिकांकडून नियमाचे पालन केले जात नाही. हा सर्व प्रकार शनिवारी राऊंड मारत असताना तहसील पथकाच्या निदर्शनास आले. त्या अनुषंगाने फळविक्रेते व हॉटेल व्यवसायावर प्रत्येकी पाचशे रुपये दंड करण्यात आला. कारवाई सुरू झाल्याची माहिती समजताच अनेक व्यावसायिकांनी आपली दुकाने बंद ठेवली. तहसीलदार उषाकिरण शृंगारे यांच्या सूचनेनुसार ग्रामपंचायती कार्यालयाने दंड करण्याची कारवाई केली आहे.
महत्वाच्या बातम्या
- कोण कुठून काम करतोय हे महत्वाचे नाही, तर…; आव्हाडांच भाजपला प्रत्युत्तर
- मराठा आरक्षणासाठीच्या आंदोलनात भाजपा कार्यकर्ते सहभागी होणार – जगदीश मुळीक
- पॉझिटिव्ह! मनपा शाळेतील गरीब विद्यार्थ्यांना कोरोना झाल्यास मिळणार पाच हजारांची मदत
- ‘पनवतीयों का बाप है ये बॉस’, नितेश राणेंचे मुख्यमंत्री ठाकरेंबद्दल वादग्रस्त विधान
- म्युकरमायकोसिसचा उस्मानाबादेत पहिला बळी
