आरोग्य मंत्र्यांकडे २२ कोटींच्या निधीची मागणी, मनपाच्या आरोग्य सुविधा होणार अत्याधुनिक!

औरंगाबाद : मेल्ट्रॉन रुग्णालयाच्या विकासासाठी २२ कोटी तसेच इतर ९ रुग्णालयाचे अत्याधुनिकीकरण करण्यासाठी आरोग्य मंत्री राजेश टोपे यांच्याकडे मनपाने निधीची मागणी केली आहे. महानगरपालिकेचे – यांनी दिली. आरोग्य मंत्री राजेश टोपे हे रविवारी औरंगाबाद दौऱ्यावर आले असता त्यांच्या उपस्थितीत सिव्हिल हॉस्पिटल येथे झालेल्या बैठकीत आरोग्य संदर्भातील प्रलंबित विषयावर चर्चा करण्यात आली.

या बैठकीला सिव्हिल सर्जन मुरंबीकर, डीएचओ शेळके व महानगरपालिकेचे आरोग्य वैद्यकीय अधिकारी डॉ. पारस मंडलेचा हे उपस्थित होते. यावेळी डॉ. मंडलेचा यांनी महानगरपालिका आयुक्त तथा प्रशासक आस्तिक कुमार पाण्डेय यांच्या निर्देशानुसार महानगरपालिका आरोग्य केंद्राच्या तसेच विभागाच्या विकासासंदर्भात आरोग्यमंत्री राजेश टोपे यांना महानगरपालिका रुग्णालयाच्या अत्याधुनिकीकरण करण्यासाठी निधीची मागणी करण्यात आली आहे.

त्यात मेल्ट्रोन रुग्णालयाच्या विकासासाठी निधीची मागणी केली असून जिनो सिक्वेन्सिग लॅब आणि संसर्गजन्य हॉस्पिटल म्हणून विकास करण्यासाठी बावीस कोटी रुपयांची तर महानगरपालिकेच्या नऊ हॉस्पिटलमध्ये डायलेसिस युनिट, सोनोग्राफी सेंटर, नेत्र चिकित्सक सेंटर, २४ तास मॅटर्निटी हॉस्पिटल आदी अद्यावत सेवांसाठी निधीची मागणी केली आहे. तसेच कोविड टेस्टिंग, व्हॅक्सिनेशन वाढवण्यासाठी मनुष्यबळ लागणार असून त्यांच्या पगारासाठी एसडीआरएफ फंडातून निधी देण्याची मागणी मंडलेचा यांनी केली आहे.

महत्त्वाच्या बातम्या

• १ ऑक्टोबरपासून बँकेतील नियमासह ‘या’ पद्धतीत होणार बदल
• पायातून रक्त वाहत असतानाही सीएसकेचा ‘हा’ खेळाडू मैदानावरून हटला नाही; फोटो व्हायरल 
• ‘हे आंदोलन राजकीय नाही’; आंदोलनात घुसणाऱ्या कॉंग्रेस नेत्याला शेतकऱ्यांनी दाखवला घरचा रस्ता
• ‘ऊसतोड कामगार हा राजकारणाचा विषय नव्हेच, श्रेयासाठी मी काम केले नाही!’, पंकजांचा धनंजय मुंडेंना अप्रत्यक्ष टोला
• राज्यसभा पोटनिवडणुकीत बिनविरोध निवड झालेल्या रजनी पाटील यांचे चंद्रकांतदादांनी केले अभिनंदन