मुंबई: शिवसेना नेत्या दिपाली सय्यद (Dipali Syed) नेहमीच आपल्या वक्तव्यांनी चर्चेत असतात. शिवसेनेचा एक खंबीर आवाज म्हणून सध्या त्या प्रचलित होत आहेत. आता त्यांनी विधान परिषद निवडणूकवरून मनसे अध्यक्ष राज ठाकरे (Raj Thackeray) यांच्यावर निशाणा साधला आहे.
“माननीय राजसाहेब आपण लवकरात लवकर बरे व्हा, नाहीतर विधान परिषद निवडणुकीनंतर फडणवीस साहेब एकटे पडतील. भोंगा अजुन अर्धवट आहे.”, असा खोचक टोला दिपाली सय्यद यांनी ट्वीट करत लगावला आहे. राज ठाकरे यांनी भोंग्याबाबत भूमिका घेतल्यानंतर राज्यातील वातावरण चांगलेच तापले होते. त्यात आता झालेल्या राज्यसभा निवडणुकीत भाजपने रणनीती आखून मोठा विजय संपादित केला. माजी मुख्यमंत्री देवेंद्र फडणवीस यांना माणसे जमवण्यात यश आल्याचे शरद पवारांनी म्हटले होते. मविआ नेत्यांकडून मनसे भाजपची टीम असल्याचा आरोप नेहमीच करण्यात येतो.
माननीय राजसाहेब आपण लवकरात लवकर बरे व्हा नाहीतर विधान परिषद निवडणुकी नंतर फडणवीस साहेब एकटे पडतील. भोंगा अजुन अर्धवट आहे. @mnsadhikrut @BJP4Maharashtra @ShivSena
— Deepali Sayed (@deepalisayed) June 19, 2022
दरम्यान आज विधान परिषदेच्या १० जागांसाठी आज निवडणूक होत आहे. भाजप विरुद्ध महाविकास आघाडी अशी ही निवडणूक होत आहे. त्यामुळे सर्वांचीच प्रतिष्ठा पणाला लागली आहे. या निवडणुकीत शिवसेनेकडून सचिन अहिर, आमश्या पाडवी तर भाजपकडून प्रवीण दरेकर, राम शिंदे, श्रीकांत भारतीय, उमा खापरे आणि प्रसाद लाड उभे राहिले आहेत. राष्ट्रवादीकडून रामराजे नाईक निंबाळकर, एकनाथ खडसे तर काँग्रेसकडून चंद्रकांत हंडोरे आणि भाई जगताप उभे राहिले आहेत. आज सकाळी ९ वाजता विधानभवनात मतदानास सुरुवात झाली आहे तर रात्री साधारण ८ पर्यंत निकाल अपेक्षित आहे.
महत्वाच्या बातम्या:
- “…हे संविधानाच्या कोणत्या कलमात बसते?”, संजय राऊतांचा सवाल
- Legislative Council elections : निवडणुकीपूर्वी भाजप उमेदवाराचे गणरायाला साकडे; ट्वीट करत म्हणाले..
- “काळ आला होता भाऊवर पण बळी मिशीवाल्या मावळ्याचा जाणार”, अनिल बोंडेंचा ‘मविआ’वर निशाणा
- “राजकीय फायद्यासाठी भाजप कोणत्याही थरापर्यंत…”, संजय राऊतांचा टोला
- Legislative Council elections : विधान परिषदेसाठी महाविकास आघाडी-भाजपमध्ये लढत
