औरंगाबाद : गंगापूर शहरात शिवजयंतीला (दि. १९) शिवतीर्थ येथील छत्रपती शिवराय यांच्या पुतळ्याचे लोकार्पण मान्यवरांच्या उपस्थितीमध्ये होणार आहे. याची माहिती नगराध्यक्षा वंदना पाटील, उपनगराध्यक्षा मंगल राजपूत, मुख्याधिकारी संतोष आगळे यांनी दिली.
शिवजयंतीला सकाळी ८ वाजता शिवकार्याची सुरुवात छत्रपती शिवाजी महाराज यांच्या पंचधातूंच्या पुतळ्याला दुग्धभिषेक होईल. त्यानंतर दुपारी २ ते ४ वाजेपर्यंत शिवकालीन मर्दानी खेळ लाठी/काठी, तलवारबाजी, भाले, इतर मैदानी खेळांची कवायत होणार आहे. तसेच दुपारी साडेतीन वाजता माँसाहेब जिजाऊ, छत्रपती शिवराय, छत्रपती संभाजीराजे यांच्या वेशभूषेत येणाऱ्या मुलांना उत्कृष्ट वेषभूषेसाठी गौरविण्यात येईल. शिवशाहीर प्रा. प्रवीण जाधव व बालशिवशाहिर स्वानंदी ठाणगे यांच्या पोवाड्याचा कार्यक्रम दुपारी चार वाजता आहे.
त्यानंतर सायंकाळी ६ वाजता शिवतीर्थ येथील छत्रपती शिवराय यांच्या पुतळ्याचे लोकार्पण मान्यवरांच्या उपस्थितीत होणार आहे. या कार्यक्रमाला आमदार प्रशांत बंब, आमदार अंबादास दानवे, किरण डोणगावकर, कैलास पाटील यांची प्रमुख उपस्थिती राहणार आहे.
महत्वाच्या बातम्या
- शिवसेनेचं ‘शिवसंपर्क अभियान’ चालू शकतं तर मग शिवभक्तांच्या शिवजयंतीवरच निर्बंध का ?
- ‘काँग्रेसचा खोटारडेपणा असाच सुरु राहिला तर काँग्रेस इतिहासजमा व्हायला वेळ लागणार नाही’
- संजय राठोडांनी राजीनामा दिला ही माहिती चुकीची; संजय राऊत यांचं स्पष्टीकरण
- भविष्यात शिवसेना देशाचं नेतृत्व करेल; उद्धव ठाकरेंनी व्यक्त केला विश्वास
- आगामी निवडणुकांबाबत महाविकास आघाडीचं ठरण्याआधीच भाजप-रिपाइंचं ठरलं ?
बातम्यांसाठी YouTube चॅनेल Subscribe करा
Subscribe Now
