मुंबई : या वर्षी होत असलेल्या नवी मुंबई, वसई-विरार, कल्याण-डोंबिवली आदी मनपा निवडणुका तसेच पुढील वर्षी होत असलेल्या मुंबई महापालिका आणि जिल्हा परिषद, सर्व स्थानिक स्वराज्य संस्थांच्या निवडणुकीत भाजप आरपीआय युती बाबत रिपब्लिकन पक्षाचे राष्ट्रीय अध्यक्ष व केंद्रीय सामाजिक न्याय राज्यमंत्री रामदास आठवले यांनी विधानसभेचे विरोधी पक्षनेते देवेंद्र फडणवीस यांची भेट घेऊन चर्चा केली. यावेळी भाजप आणि आरपीआयचे विभाग निहाय संयुक्त मेळावे घेण्याचा निर्णय घेण्यात आला.
रिपब्लिकन पक्षाचे महाराष्ट्र प्रदेशचे राज्यव्यापी अधिवेशन येत्या दि.21 मे रोजी जळगाव येथे आयोजित करण्यात आले असून त्यास प्रमुख पाहुणे म्हणून उपस्थित राहण्याचे निमंत्रण रिपाइं तर्फे देवेंद्र फडणवीस यांना यावेळी रामदास आठवले यांनी दिले.
आगामी स्थानिक स्वराज्य संस्थांच्या निवडणुकीत रिपब्लिकन पक्षाच्या उमेदवारांना कमळ चिन्ह देण्यात यावे याबाबत चर्चा करण्यात आली. सांगली आणि पुणे येथे रिपाइं ला उपमहापौर पद देण्याबाबत यावेळी चर्चा करण्यात आली. केंद्र सरकार च्या विविध समिती महामंडळा मध्ये रिपब्लिकन पक्षाच्या कार्यकर्त्याना पद देण्याबाबत देवेंद्र फडणवीस आणि रामदास आठवले या उभय नेत्यांमध्ये चर्चा झाली.
यावेळी रिपाइंचे राष्ट्रीय उपाध्यक्ष काकासाहेब खंबालक, मुंबई अध्यक्ष गौतम सोनवणे, सुरेश बारशिंग, चंद्रशेखर कांबळे, परशुराम वाडेकर, बाळासाहेब जानराव, संजय सोनवणे, आदी रिपाइं चे पदाधिकारी उपस्थित होते.
महत्वाच्या बातम्या
- शिवसेनेचं ‘शिवसंपर्क अभियान’ चालू शकतं तर मग शिवभक्तांच्या शिवजयंतीवरच निर्बंध का ?
- ‘काँग्रेसचा खोटारडेपणा असाच सुरु राहिला तर काँग्रेस इतिहासजमा व्हायला वेळ लागणार नाही’
- संजय राठोडांनी राजीनामा दिला ही माहिती चुकीची; संजय राऊत यांचं स्पष्टीकरण
- भविष्यात शिवसेना देशाचं नेतृत्व करेल; उद्धव ठाकरेंनी व्यक्त केला विश्वास
- फासे पलटणार ? आमचा ज्योतिष विद्येवर विश्वास नाही; मलिकांची फडणवीसांवर टीका
