पप्पा तुम्हाला बिग सॅल्युट पण तुमची काळजी घ्या, पोलिसाच्या मुलाचं भावनिक पत्र व्हायरल 

🕒 1 min read

मुंबई : कोरोनामुळे देशावर आणि राज्यावर मोठे संकट आले आहे. अशा संकटात प्रशासकीय कर्मचारी, पोलीस यंत्रणा, आणि आरोग्य कर्मचारी आपला जीव धोक्यात घालून ही परिस्थिती हाताळत आहेत. यामध्ये पोलीस दल अहोरात्र तैनात केले आहे. नागरिकांनी सरकारने दिलेल्या आदेशांच योग्य पद्धतीने पालन कराव यासाठी पोलीस जनतेला वारंवार सजग करत आहेत. अशा सर्व परीस्थित पोलीस कर्मचारी आपली भूमिका चोख बजावत  असल्याने एका मुलाने आपल्या पोलीस कमर्चारी असलेल्या  वडिलांना पत्र लिहित बिग सॅल्युट दिला आहे.

वाचा काय आहे पत्र ? 

सध्या जगभरात कोरोनाची दहशत आहे. आपल्या देशासह राज्यातही कोरोनाचे रुग्ण वाढत आहेत, पप्पा हे तुम्हाला तर माहितीच आहे. देशात लॉकडाऊन सुरू आहे. शहरात राहणारे नागरिक आता आपल्या आपल्या खेडेगावात जात आहेत. पण आपलं तस नाही.. तुम्ही एक जबाबदार पोलीस अधिकारी आहात. तुम्हाला सुट्टी नाही, तुमच्या सर्व सुट्ट्या रद्द केल्या आहेत. नागरिकांना घरी बसून राहण्यासाठी सक्ती केली जात आहे, कारण त्यांच्या तब्येतीची काळजी आहे म्हणून….पण या महामारीत पोलीस रस्त्यावर येऊन प्रत्येक नागरिकाला घरात बसायला सांगत आहेत. पण पोलिसांचा विचार कोणी करतंय का? पोलिसांना सर्वच सॅल्युट करतात पण पडद्यामागचे वास्तव कुठे माहिती आहे कुणाला. तुम्ही रोज सकाळपासून रात्री कधीपर्यंत ऑन ड्युटी असाल हे तुम्हीसुद्धा सांगू शकणार नाहीत. सध्या सर्वजण घरी बसून आहेत. अशावेळी तुम्ही आमच्यासाठी ऑन ड्युटी असता. आपण कोरोनापासून सावध रहावं असे प्रत्येकालाच वाटत असतं. पण तुम्ही कशाचीच तमा न बाळगता आमच्यासाठी कोरोनाशी दोन हात करत आहात. कोरोना असो या डोरोना ..आपले पोलीस कुठे कुणाला घाबरतात…