कोरोनावरील आयुर्वेदीक औषध घेण्यासाठी नियमांचे उल्लंघन करत जमली तब्बल 10 हजार लोकं

🕒 1 min read

कृष्णापट्टणम – देशभरात सध्या कोरोनाचा कहर पाहायला मिळत असून नागरिक कोरोनापासून बचाव व्हावा म्हणून विविध उपाय करताना देखील दिसून येत आहेत. अनेक ठिकाणी काही अघोरी पूजादेखील होताना पाहायला मिळत आहेत. तर काही ठिकाणी विविध औषधे ही कोरोनावर गुणकारी असल्याचं सांगत वाटप देखील केले जात आहे.

दरम्यान,आंध्र प्रदेशातील कृष्णापट्टणम भागात एक धक्कादायक प्रकार घडला आहे. विविध वनौषधींचे मिश्रण करून हे कोरोनावरील आयुर्वेदीक औषध असल्याचं सांगून एक औधध लोकांना मोफत दिलं जात आहे. हे औषध बोगिनी आनंदैया यांनी तयार केले आहे. हे औषध कोरोनावर गुणकारी असल्याचा लोकांचा समज झाल्याने ते मिळविण्यासाठी लोकांनी तुफान गर्दी केल्याचे समोर आले आहे. यावेळी कोरोनाच्या नियमांना अक्षरशः पायदळी तुडवण्यात आले.

Huge crowd ????????. current Suitation at krishnapatnam area for covid (Anandiah Ayurvedic medicine). #COVID19india #Nellore pic.twitter.com/aydzQurYzs

— Sai Mohan 'NTR' (@Sai_Mohan_999) May 21, 2021

जवळपास महिनाभर हे औषध वाटल्यानंतर जिल्हा प्रशासनाने औषधाच्या वाटपावर बंदी घातली होती. मात्र वाएसआरसीपी पक्षाच्या काकाणी गोवर्धन रेड्डी या आमदाराने या औषधाच्या वाटपाला पुन्हा सुरुवात केली. लोकं या औषधासाठी अधीर झाली होती, ज्यामुळे त्याच्या वाटपाला पुन्हा सुरुवात केल्याचं आमदारांनी सांगितले.

औषध वाटप बंद केल्याने लोकं अस्वस्थ व्हायला लागली असल्याने एक दिवसासाठी वाटपाला परवानगी मिळाली असं त्यांनी सांगितलं आहे. रेड्डी यांनी सांगितलं की इतर राज्यातूनही लोकं या औषधासाठी यायला लागली असून शुक्रवारी जवळपास 10 हजार लोकं हे औषध नेण्यासाठी आली होती.

महत्वाच्या बातम्या

• अक्षय कुमारच्या मदतीने मराठवाड्यात पहिली मोबाईल आरटीपीसीआर टेस्ट व्हॅन उपलब्ध
• खतांची दरवाढ मागे; ‘केंद्राचा निर्णय शेतकऱ्यांच्या हिताचा’, प्रीतम मुंडेंकडून स्वागत
• ‘..त्यामुळेच माध्यमांकडून मुख्यमंत्री ठाकरेंचा पाठलाग सुरू’, भाजप नेत्याचा गंभीर आरोप
• आता उद्धव ठाकरेंचे पाय जमिनीवर आले, आनंद आहे; चंद्रकांत पाटलांचा टोला
• ‘दीड वर्षात राज्य सरकारने बारा बलुतेदारांना, लोक कलावंताना काहीही मदत केली नाही’