पिंपरी-चिंचवड : कोरोनाच्या एकाही रुग्णावर उपचार केलेले नसतानाही भोसरीतील स्पर्श या हॉस्पिटलला तीन कोटी चौदा लाख रुपयांचे बिल पिंपरी – चिंचवड महानगरपालिकेने अदा केलेले आहे. गेल्या वर्षी ही रक्कम महानगरपालिकेकडून स्पर्श या हॉस्पिटलला देण्यात आले होते. यावरून महानगरपालिकेत फारच वादंग माजले होते. त्यामुळे महानगरपालिका आणि हे बिल अदा करणारे पालिकेचे तत्कालीन आयुक्त बाबूराव पवार आता अडचणीत आले आहेत.
‘स्पर्शकडे ही रक्कम देताना महानगरपालिकेने कोणतीही खातरजमा केलेली नाही. अत्यंत घाईघाईने हा निर्णय घेण्यात आला होता.’ असे ताशेरे उच्च न्यायालयाने महानगरपालिकेवर ओढले आहेत. आता ही रक्कम कशी वसूल करणार आणि ही रक्कम देणारे पवार यांच्यावर काय कारवाई करणार, अशी विचारणा न्यायालयाने महानगरपालिकेला केली आहे.
ही रक्कम अदा करताना त्याला पालिकेच्या स्थायी समितीची मान्यता ही घेण्यात आली नव्हती. हा आर्थिक घोटाळा उघड झाल्यानंतर पालिकेने स्पर्श या हॉस्पिटलचे कंत्राट रद्द केले होते. उच्च न्यायालयाच्या ताशेरेंमुळे पवार यांची पदोन्नती म्हणजेच आयएएसचे प्रमोशन आता अडचणीत आले आहे.
महत्वाच्या बातम्या :
