नागपूर : पालकमंत्री नितीन राऊत आणि गृहमंत्री अनिल देशमुख या मंत्र्यांच्या कार्यालयातील काही कर्मचारी कोरोना पॉझिटिव्ह आल्याने खबरदारीचा उपाय म्हणून कार्यालये बंद केली आहेत. ही घटना प्रकाशात येताच कार्यालयात येणाऱ्यांची मात्र चांगलीच भंबेरी उडाली आहे.
शहराचे पालकमंत्री डॉ. नितीन राऊत यांच्या कार्यालयाशी संबंधित चार जण पॉझिटिव्ह आल्यानंतर मंत्री नितीन राऊत, त्यांचे पुत्र कुणाल व अन्य अधिकारी व कर्मचाऱ्यांची चाचणी करण्यात आली. मंत्री व त्यांच्या पुत्राची चाचणी निगेटिव्ह आली. त्यामुळे उत्तर नागपुरातील सुपर स्पेशालिटी हॉस्पिटल आणि इतर बैठका पुढे ढकलण्यात आल्या आहेत. आठवड्याच्या अखेरीस ते विधिमंडळाच्या पावसाळी अधिवेशनासाठी जाणार असल्याचे समजते.
चिखलदऱ्याचे सौंदर्य खुलणार, विकासकामे तातडीने पूर्ण करा… या मंत्री महोदयांनी दिलेत आदेश
गृहमंत्री अनिल देशमुख यांच्या कार्यालयातील संबंधित कर्मचारी पॉझिटिव्ह आल्याने रविभवनातील कार्यालय बंद करण्यात आले आहे. तसेच, त्यांचे पुत्र सलील व इतर कर्मचाऱ्यांच्याही चाचण्या करण्यात आल्या. मात्र, त्यातील कुणीही पॉझिटिव्ह नसल्याचे समजते.
विदर्भातील ‘या’ भाजपच्या आमदाराचे मुख्यमंत्र्यांना खुले पत्र…. वाचा काय लिहिले आहे ते
गृहमंत्री उद्या, शुक्रवारी येणार असून रविभवन वा बंगल्याऐवजी ते जिमखान येथे अधिकारी व नागरिकांना भेटणार असल्याचे समजते. भाजपचे आमदार गिरीश व्यास यांनी पॉझिटिव्ह असल्याचे जाहीर केल्यावर अनेक नेते व कार्यकर्त्यांनी चाचणी केली. यात भाजपचे काही पदाधिकारी पॉझिटिव्ह आले. दरम्यान, ज्येष्ठ नेते दत्ता मेघे यांच्या कुटुंबीयांशी संबंधित तीन जण पॉझिटिव्ह आले. यानंतर सर्वांची चाचणी करण्यात आली. माजी आमदार सागर व आमदार समीर मेघे यांचे जनसंपर्क कार्यालय बंद ठेवण्यात आले असल्याची माहिती आहे.
शिवसेनेने धोका दिला ; काँग्रेस नेत्याचा घणाघात
बातम्यांसाठी YouTube चॅनेल Subscribe करा
Subscribe Now
