चक्क कॉंग्रेस मंत्र्यांकडून मोदी सरकारचे कौतुक

🕒 1 min read

औरंगाबाद : एकीकडे अर्थसंकल्पाला अनुसरून काँग्रेस नेते राहुल गांधी हे मोदी सरकारवर निशाणा साधत आहे. मात्र, त्यांच्याच पक्षातील महाराष्ट्राचे वैद्यकीय शिक्षणमंत्री अमित देशमुख हे अर्थसंकल्पातील आरोग्य सेवेवरील केलेल्या तरतुदीवरून स्तुती केली आहे. औरंगाबाद शहरातील घाटीमध्ये झालेल्या समारंभात ते बोलत होते. यामुळे कॉंग्रेसमधील अर्थसंकल्पावरील दुतोंडीपणा समोर आला आहे.

केंद्र सरकारने २०२१-२२ च्या अर्थसंकल्पात आरोग्य आणि वैद्यकीय शिक्षण सेवेवरील तरतूद वाढवली आहे. ही तरतूद तब्बल ६.७५ टक्के केली आहे अशी स्तुती वैद्यकीय शिक्षण मंत्री अमित देशमुख यांनी केली आहे. केंद्र सरकार प्रमाणे राज्य सरकारने देखील वैद्यकीय शिक्षणासंदर्भात देखील भरीव तरतूद करण्याची अपेक्षा व्यक्त केली.

शहरात सध्या अर्थसंकल्पीय आढावाची शेवटच्या टप्प्याची बैठक पार पडत आहे. अर्थसंकल्पात वैद्यकीय शिक्षणासाठी ३.२५ टक्के तरतूद असते. परंतु कोरोनाचे संकट पाहता ही तरतुद भरीव करून केंद्र सरकार प्रमाणे ६ ते ७ टक्क्यापर्यंत करण्यासाठी आग्रही असणार असल्याचे मंत्री देशमुख म्हणाले.

महत्वाच्या बातम्या 

• मनपाकडून ४३० किलो प्लास्टिक जप्त, पण ते शहरात आलेच कसे?
• कोरोना योद्ध्यांचा सन्मान फक्त दिखाव्यासाठी ! प्रत्यक्षात मात्र उपेक्षाच
• चांगलं काम करणाऱ्या अधिकाऱ्यांना त्रास देऊ नका, गडकरींनी टोचले स्वपक्षातील लोकप्रतिनिधींचे कान
• गुजरातचे CM विजय रुपाणी यांना कोरोनाची लागण, कालच भाषणावेळी पडले होते बेशुद्ध
• पूजा चव्हाण प्रकरणी आवाज उठवणाऱ्या ‘या’ भाजप आमदाराला येताहेत धमकीचे फोन