मुंबई : राज्यातील पोलिसांच्या बदल्यांची गोपनीय माहिती उघड केल्या प्रकरणी विरोधी पक्षनेते देवेंद्र फडणवीस (Devendra Fadanvis)यांना नोटीस पाठविण्यात आली आहे. तसेच या प्रकरणी त्यांची पोलीस पथकाकडून चौकशी सुरू आहे. फडणवीस यांना नोटीस पाठवण्यात आल्याने आज राज्यभरात भाजप कार्यकर्त्यांकडून आंदोलन करण्यात आले आहे. तसेच सागर बंगल्याबाहेर देखील भाजप कार्यकर्त्यांनी गर्दी केली आहे. दरम्यान, याच पार्श्वभूमीवर भाजप नेते गोपीचंद पडळकर (Gopichand Padalkar) यांनी महाविकास आघाडी सरकारवर निशाणा साधत टीकास्त्रांचा वर्षाव केला आहे. तसेच सरकारच्या या उरफाट्या धोरणाचा धिक्कार असो, असेही पडळकर म्हणाले आहेत.
यासंदर्भात गोपीचंद पडळकर यांनी ट्विट केले असून ट्विटमध्ये ते म्हणाले आहेत की,‘राष्ट्रद्रोह्यांशी संबंधित आरोपी मंत्र्याला वाचवणाऱ्या, भ्रष्टाचाराच्या गटारीत बुडालेल्या या आघाडी सरकारचे एक एक प्रकरणं पुराव्यानिशी देवेंद्र फडणवीस यांनी बाहेर काढलेत. पण भ्रष्टांवर कारवाई करण्याऐवजी देवेंद्रजींनाच नोटीस दिले जाते.’
राष्ट्रद्रोह्यांशी संबंधित आरोपी मंत्र्याला वाचवणाऱ्या, भ्रष्टाचाराच्या गटारीत बुडालेल्या या आघाडी सरकारचे एक एक प्रकरणं पुराव्यानिशी मा.@Dev_Fadnavis जी यांनी बाहेर काढलेत. पण भ्रष्टांवर कारवाई करण्याऐवजी मा.देवेंद्रजींनाच नोटीस दिले जाते. . pic.twitter.com/1jF2QDdPfR
— Gopichand Padalkar (@GopichandP_MLA) March 13, 2022
दरम्यान, याचा अर्थ या सरकारच्या पायाखालची वाळू सरकली आहे. सरकारच्या या उरफाट्या धोरणाचा धिक्कार असो, असेही गोपीचंद पडळकर म्हणाले आहेत.
महत्वाच्या बातम्या
- ‘देवेंद्रजींना हात लावला तर’… – आकाश फुंडकरांचा आक्रमक इशारा!
- आरआरआ चित्रपटामधील आलिया भट्टचा लुक पाहून चाहते झाले प्रभावित…
- “मविआ सरकारने पोलिसांचा गैरवापर करीत…”, केशव उपाध्येंची टीका
- “हे सरकार ५ वर्ष टिकणार आणि विरोधकांना…”, उदय सामंत यांचा दावा
- IND vs SL : श्रीलंकेचा पहिल्या डावात भारताने १०९ धावांतच उडवला धुरळा
