पुणे : गेल्या वर्षी मार्चमध्ये पुण्यात पहिल्या कोरोनाबाधित रुग्णाची नोंद करण्यात आली होती. यानंतर, शहरासह जिल्ह्यात कोरोना रुग्णांमध्ये झपाट्याने वाढ झाली होती. गेल्या वर्षाच्या अखेरीस पुण्यातील दैनंदिन जनजीवन सुरळीत होत असतानाच या वर्षी पुन्हा एकदा कोरोना संसर्गाने पुण्यासह राज्यात हाहाकार माजवला आहे.
गेल्या काही दिवसांमध्ये रेकॉर्ड ब्रेक कोरोना बाधितांची नोंद पुणे शहरात करण्यात येत होती. दरम्यान, शहरातील कडक निर्बंधांचा काहीसा परिणाम दिसून आला होता. एप्रिल महिन्यात दररोज पाच ते सहा हजारांहून अधिक नव्या रुग्णांची नोंद करण्यात येत होती. आज पुण्यातील कोरोनाबाधितांचा आकडा गेल्या कहिओ दिवसांपासून २ हजारांच्या आत येत आहे.
पुणे कोरोना अपडेट : शनिवार १५ मे,२०२१
◆ उपचार सुरु : २२३०४
◆ नवे रुग्ण : १,६९३ (४,५७,९८६)
◆ डिस्चार्ज : ३,०३३ (४,२८,०२३)
◆ चाचण्या : १२,४०९ (२३,५२,६१९)
◆ मृत्यू : ४८ (७,६५९)#PuneFightsCorona #CoronaUpdate pic.twitter.com/omUOBwhhvl— Murlidhar Mohol (@mohol_murlidhar) May 15, 2021
पुणे शहरात आज नव्याने १ हजार ६९३ कोरोनाबाधित रुग्णांची नोंद झाली असून पुणे शहरातील एकूण संख्या आता ४ लाख ५७ हजार ९८६ इतकी झाली आहे. शहरातील ३ हजार ०३३ कोरोनाबाधितांना आज डिस्चार्ज देण्यात आला असून पुणे शहरातील एकूण डिस्चार्ज संख्या ४ लाख २८ हजार ०२३ झाली आहे. पुणे शहरात आज एकाच दिवसात १२ हजार ४०९ नमुने घेण्यात आले आहेत. पुणे शहराची एकूण टेस्ट संख्या आता २३ लाख ५२ हजार ६१९ इतकी झाली आहे. पुणे महापालिका हद्दीत नव्याने ४८ कोरोनाबाधित रुग्णांच्या मृत्यूची नोंद झाली आहे.आजच्या नव्या संख्येसह मृतांची एकूण संख्या ७ हजार ६५९ इतकी झाली आहे.
महत्त्वाच्या बातम्या
- हेवेदावे विसरून संविधानाने दिलेले हक्क व आरक्षण टिकवण्याचा मागासवर्गीय संघटनांचा निर्धार!
- ‘चुका काढण्याची किंवा टिका करण्याची ही वेळ नाही,आलेल्या संकटाशी सर्वांनी मिळून लढूयात’
- सध्या अशोक चव्हाणांची अवस्था तलाठ्याचा कोतवाल झाल्यासारखी आहे – सदाभाऊ खोत
- टेंभापुरी धरणाच्या लाभक्षेत्रातील शेतकरी बांधवांना मिळाले उन्हाळी हंगामातील आवर्तन
- अवैध दारू विक्रेत्यांचे धाबे दणाणले! पोलिसांच्या कारवाईला वेग
