मुंबई: पुण्यातील येरवडा येथील शास्त्रीनगर भागातील गल्ली क्रमांक ८ मधील एका इमारतीचा स्लॅब कोसळून ५ कामगारांचा मृत्यू झाला तर १० जण जखमी झाले आहेत. या इमारतीचा लोखंडी सांगडा बांधकाम सुरु असताना अचानक कोसळून ही दुर्घटना घडली आहे. या घटनेवर मुख्यमंत्री उद्धव ठाकरे यांनी शोक व्यक्त केला आहे.
“पुण्यात येरवडा येथे बांधकाम सुरू असलेल्या इमारतीचा स्लॅब कोसळल्याने झालेल्या मजुरांच्या मृत्यूवर मुख्यमंत्री ठाकरेंनी शोक व्यक्त करत जखमींना चांगले उपचार तसेच मृतांच्या व जखमींच्या कुटुंबियांना आवश्यक सर्व मदत करण्याचे यंत्रणांना निर्देश दिले आहेत”, असे ट्वीट मुख्यमंत्र्यांच्या अधिकृत ट्वीटर अकाउंटवर करण्यात आले आहे.
पुण्यात येरवडा येथे बांधकाम सुरू असलेल्या इमारतीचा स्लॅब कोसळल्याने झालेल्या मजुरांच्या मृत्यूवर मुख्यमंत्री उद्धव बाळासाहेब ठाकरे यांनी शोक व्यक्त केला आहे. जखमींना चांगले उपचार तसेच मृतांच्या व जखमींच्या कुटुंबियांना आवश्यक सर्व मदत करण्याचे त्यांनी यंत्रणांना निर्देश दिले आहेत
— CMO Maharashtra (@CMOMaharashtra) February 4, 2022
दरम्यान ही घटना काल रात्री ११ वाजेदरम्यान ही घटना घडली असून अग्निशमक दलाने घटनास्थळी धाव घेत बचावकार्य सुरु केले. इमारतीवर स्लॅब टाकण्यासाठी लोखंडी रॉडचा सांगडा उभा करण्याचे काम सुरु असताना हा महाकाय सांगडा अचानक कोसळला. रात्रीच्या वेळीही हे काम सुरु होते. त्याखाली तेथे काम करीत असलेले अनेक कामगार त्याखाली दबले गेले. अग्निशामक दलाला या घटनेची माहिती रात्री ११ वाजून १४ मिनिटांनी मिळाली. त्याबरोबर अग्निशामक दलाच्या ५ गाड्या, रुग्णवाहिका, १०८ च्या १० रुग्णवाहिका, पोलीस घटनास्थळी पोहचले.
महत्वाच्या बातम्या:
- राज्यातील निर्बंध वाढणार की कमी होणार? आरोग्यमंत्र्यांनी दिले स्पष्टीकरण
- २१ वर्षीय पाकिस्तानी गोलंदाज आयसीसीकडून बॅन
- असादुद्दीन ओवेसी यांच्यावर गोळीबाराची चौकाशी करा – नवाब मलिक
- ‘त्या माजोरड्यांना मेसेज गेला पाहिजे, मराठी कलाकार नडला की बाजार उठवतो’, किरण माने यांची नवी फेसबुक पोस्ट
- अमृता फडणवीसांना मानसिक तज्ज्ञांची गरज- रुपाली चाकणकर
