Chandrashekhar Bawankule | मुंबई : उद्धव ठाकरे (Uddhav Thackeray) आणि प्रकाश आंबेडकर (Prakash Ambedkar) यांच्यात भेटीची आज चर्चा होत आहे. सत्तेतून पायऊतार झाल्यानंतर उद्धव ठाकरे गट राजकीय समीकरण बळकट करण्यात व्यस्त आहेत. बाबासाहेब आंबेडकर यांचे नातू प्रकाश आंबेडकर (Prakash Ambedkar) यांच्या वंचित बहुजन आघाडीशी उद्धव ठाकरे युती करणार असल्याची चर्चा आहे. या पार्श्वभूमीवर भाजपा प्रदेशाध्यक्ष चंद्रशेखर बावनकुळे (Chandrashekhar Bawankule) यांनी प्रतिक्रिया दिली आहे.
“ठाकरे गट आणि प्रकाश आंबेडकर आधीपासून एकत्रच आहेत. आज केवळ दाखवण्यासाठी एकत्र बसतील. हे सर्व आतून एकच आहेत”, असा दावा चंद्रशेखर बावनकुळे (Chandrashekhar Bawankule) यांनी केलाय. “कोणतीही मतं कोणाची जहागिरी नाही. जेव्हा लोकांना वाटतं की हा पक्ष आमच्या हिताचा आहे तेव्हा ते त्या पक्षाला मतं देतात. कोणी म्हणत असेल की मागासवर्गीय मतं माझ्याकडे गठ्ठा आहे आणि मी इकडे देणार, तिकडे देणार, तर मतदार आता कधीही कोणाच्या म्हणण्यावर इकडे तिकडे जात नाही”, असंही ते म्हणालेत.
“जो स्थानिक पातळीवर जनतेला मदत करतो, जनतेचे कामं करतो त्यांच्यामागे लोकं उभे राहतात. सध्या लोक शिंदे-फडणवीस सरकारच्या मागे आहेत, मोदींच्या मागे लोक आहेत. त्यामुळे यांच्या युतीने महाराष्ट्रात काहीही फरक पडत नाही,” असं म्हणत चंद्रशेखर बावनकुळे यांनी टोला लगावला.
दरम्यान, युतीबाबत प्रकाश आंबेडकर यांनी प्रतिक्रिया दिली आहे. प्रकाश आंबेडकर म्हणाले, “पक्षाची भूमिका आम्ही जाहीर केली आहे. शिवसेनेला आम्ही कळवले आहे की युती करायला आम्ही तयार आहोत. माध्यमांना सांगायचे आहे की काही गोष्टी जाहीर करायच्या असतील तर आम्ही जाहीर करु. त्यामुळे अफवांवर विश्वास ठेऊ नका.”
महत्वाच्या बातम्या :
- PAK vs ENG | इंग्लंडला मोठा झटका! लियाम लिव्हिंगस्टन पाकिस्तान दौऱ्यातून बाहेर
- Vasant More | “तात्या राष्ट्रवादीत कधी येताय, वाट पाहतोय”, मनसे नेते वसंत मोरेंना अजित पवारांकडून ऑफर
- Shrikant Shinde | राज्यपालांनी शिवरायांबाबत केलेल्या विधानावरुन श्रीकांत शिंदे संतापले; म्हणाले, “ज्यांना इतिहास माहिती नाही त्यांनी…”
- Ashish Shelar | “वा रे मर्दा…! राष्ट्रवादीसोबतचा संसार सर्वात मोठा नेभळटपणा नाही काय?”; आशिष शेलार यांचा पलटवार
- Prakash Ambedkar | शिवशक्ती-भीमशक्ती एकत्र येणार? प्रकाश आंबेडकर म्हणाले…
