मुंबई: शिवसेना नेते तथा मुंबई महापालिकेचे स्थायी समितीचे अध्यक्ष यशवंत जाधव यांच्या चौकशीत ईडी अधिकाऱ्यांना एक डायरी सापडली असून त्यात संशयास्पद व्यवहार समोर आले आहेत. या डायरीत ‘मातोश्री’ला ५० लाख रुपयांचे घड्याळ आणि दोन कोटी रुपयांचे आणखी एक गिफ्ट देण्यात आल्याचे अधिकाऱ्यांनी सांगितले.यावर यशवंत जाधव यांनी ते चुकीचे ठरवत डायरीत आईसाठी लिहिल्याचे म्हटले आहे. यावरच भाजपकडून अनेक प्रतिक्रिया उमटत असतानाच भाजप प्रदेशाध्यक्ष चंद्रकांत पाटील (Chandrakant Patil) यांनीही प्रतिक्रिया देत थेट शिवसेना खासदार संजय राऊत (sanjay raut ) यांच्यावर निशाणा साधला आहे.
“अशी डायरी सापडली की नाही याबद्दल मला अद्याप काही माहिती नाही. पण मला एवढंच दिसत आहे की, खूप काही तरी होणार आहे. वारंवार संजय राऊत यांच्याकडून माझी चेष्टा केली जाते. पण सगळी चेष्टा त्यांच्या अंगावर येणार आहे. कारण मी जे म्हणत आहे ते सगळं खरे ठरत चाललं आहे”, असे चंद्रकांत पाटील यांनी म्हटले आहे.
दरम्यान या संदर्भात यशवंत जाधव यांनी पहिल्या नोंदीमध्ये ५० लाखांच्या घड्याळांचे त्यांनी आईच्या वाढदिवसानिमित्त वाटप केले होते. तसेच आपल्या आईच्या स्मरणार्थ त्यांनी गुढीपाडव्याला गरजूंना दोन कोटी रुपयांच्या वस्तू वाटप केल्याचे म्हटले आहे. या भेटवस्तू वाटपासाठी आपण मातोश्री लिहिल्याचे त्यांनी सांगितले. मात्र यावरूनच भाजपने मुख्यमंत्री उद्धव ठाकरे यांना निशाण्यावर धरले आहे.
महत्वाच्या बातम्या:
- ‘द कश्मीर फाइल्स’ चित्रपट महाराष्ट्रात करमुक्त केला जाणार नाही- आदित्य ठाकरे
- “…ते आता खरं ठरतंय”, यशवंत जाधवांवरील कारवाई संदर्भात देवेंद्र फडणवीसांची प्रतिक्रिया
- केजरीवाल सरकारच्या ‘या’ निर्णयाचे नोबेल विजेते कैलाश सत्यार्थी यांनी केले कौतुक
- IPL 2022: डबल हेडरच्या दुसऱ्या सामन्यात RCBचा संघ PBKS ला भिडणार ; वाचा असा असू शकतो संभाव्य संघ
- “मराठा समाजाला आरक्षण मिळावे पण ओबीसींवर अन्याय नको”- विजय वडेट्टीवार
