पुणे : पश्चिम बंगालच्या मुख्यमंत्री ममता बॅनर्जी या 2 दिवस महाराष्ट्र दौऱ्यावर होत्या त्यांच्या या दौऱ्यादरम्यान ममता बॅनर्जी यांनी शिवसेना, राष्ट्रवादी काँग्रेसच्या अनेक नेत्यांची भेट घेतली. यावेळी त्यांनी काँग्रेसवर टीकाही केली. मात्र त्यांच्या या टीकेवरुन राज्याच्या राजकारणामध्ये मोठा वाद सुरु झाल्याचे पाहायला मिळाले. विरोधी पक्ष भाजपने महाविकास आघाडीवर सडकून टीका केली. या वादाची ठिणगी अद्यापही विझलेली नाही.
पुण्यात आज भाजपचे प्रदेशाध्यक्ष चंद्रकांत पाटील यांनी आज पुण्यात पत्रकारांशी संवाद साधताना ममता बॅनर्जींच्या दौऱ्यावरुन शिवसेनेवर निशाणा साधला आहे. शिवसेनेचे खासदार संजय राऊत यांच्या काँग्रेसच्या नेत्यांशी भेटी वाढण्यावर पत्रकारांनी चंद्रकांत पाटलांना प्रश्न विचारला असता त्यांनी संजय राऊतांना खोचक टोलाही लगावला आहे.
यालाच तर डबल ढोलकी असे म्हणतात, ममता बॅनर्जी आल्या की, त्यांच्या सुरात सुर मिसळायचा आणि ममता बॅनर्जी यांची पाठ वळली की काँग्रेसच्या सुरात सुर मिसळायचा यालाच डबल ढोलकी म्हणतात. सामान्य माणूस सुद्धा दुहेरी भूमिका घेत नाही, असा खोचक टोला चंद्रकांत पाटील यांनी संजय राऊतांना लगावला आहे.
महत्वाच्या बातम्या
- ‘ठाकरे सरकारचा जमीन घोटाळा’; किरीट सोमय्या यांचा मुख्यमंत्र्यांवर गंभीर आरोप
- आम्ही राजकारणी तुला काही देऊ शकलो नाही; सूर्यकांता पाटलांची भावूक पोस्ट
- सदाभाऊ खोत यांचा ठाकरेंना टोला; म्हणाले, बिळातून बाहेर या आणि…
- चैत्यभूमी परिसरात गोंधळाचा प्रयत्न; पोलिसांच्या बंदोबस्तात तणावपूर्ण शांतता
- तुमचं सरकार आहे तुम्ही काय बांगड्या भरल्या आहेत?, विखे पाटलांचा राज्यमंत्र्यांना संतप्त सवाल
