नवी दिल्ली- युएईमध्ये पार पडणाऱ्या आगामी टी-२० विश्वचषकासाठीची गटवारी आज जाहीर करण्यात आली आहे. समस्त क्रिकेटविश्वाचं ज्या सामन्याकडे लक्ष असतं त्या भारत विरुद्ध पाकिस्तान सामन्याची मेजवानी यंदाही प्रेक्षकांना अनुभवता येणार आहे. भारत आणि पाकिस्तान या दोन्ही पारंपरिक प्रतिस्पर्ध्यांचा एकाच गटात समावेश करण्यात आला आहे.
ICC Men's T20 World Cup 2021: India and Pakistan placed in Group 2 of Super 12s pic.twitter.com/Z8HtvsZNDH
— ANI (@ANI) July 16, 2021
हा टी२० विश्वचषक १७ ऑक्टोबर ते १४ नोव्हेंबर दरम्यान पार पडणार आहे. हा विश्वचषक यापूर्वी भारतात आयोजित केला जाणार होता. मात्र, कोरोनाचे संकट पाहाता विश्वचषकचे आयोजन ओमान आणि युएईमध्ये करण्यात आले आहे. या विश्वचषकात भारत आणि पाकिस्तान हे दोन संघ सुपर-१२च्या ग्रुप गट-२ मध्ये आहेत.
ओमान आणि यूएई येथे खेळल्या जाणाऱ्या या स्पर्धेच्या पहिल्या फेरीत आठ पात्र संघ सहभागी होणार आहेत. यातील चार संघ सुपर १२ फेरी गाठतील. प्राथमिक फेरीतील आठ संघांमध्ये बांगलादेश, श्रीलंका, आयर्लंड, नेदरलँड्स, स्कॉटलंड, नामीबिया, ओमान आणि पापुआ न्यू गिनी यांचा समावेश आहे. या स्पर्धेचा अंतिम सामना १४ नोव्हेंबरला होणार आहे.
???? Some mouth-watering match-ups in the Super 12 stage of the ICC Men's #T20WorldCup 2021 ????
Which clash are you most looking forward to?
???? https://t.co/Z87ksC0dPk pic.twitter.com/7aLdpZYMtJ
— T20 World Cup (@T20WorldCup) July 16, 2021
आयसीसी क्रमवारीत अव्वल ८ क्रमांकावर असलेले संघ आधीच सुपर १२साठी पात्र ठरलेले आहेत. सुपर १२ संघांची दोन गटांत विभागणी केली गेली आहे आणि त्यांचे सामने दुबई, अबु धाबी आणि शारजाह या तीन मैदानावर होतील. त्यानंतर तीन प्ले ऑफ सामने, दोन सेमी फायनल व एक फायनल अशी स्पर्धा पार पडणार आहे.
पहिला गट – वेस्ट इंडिज, इंग्लंड, ऑस्ट्रेलिया दक्षिण आफ्रिका, गट अ मधील अव्वल क्रमांकाचा संघ आणि गट ब मधील दुसऱ्या क्रमांकाचा संघ
दुसरा गट – भारत, पाकिस्तान, न्यूझीलंड, अफगाणिस्तान, गट अ मधील दुसऱ्या क्रमांकाचा संघ आणि गट ब मधील अव्वल क्रमांकाचा संघ
महत्वाच्या बातम्या
- ‘भटक्या विमुक्तांचे स्वतंत्र लोकसंख्येवर आधारित सामाजिक व आर्थिक सर्वेक्षण करणार’
- जेजुरीगडाच्या विकासासाठी अजित पवारांचा पुढाकार ! दिला तब्बल ‘इतका’ निधी
- अनिल देशमुखांविरोधात ईडीची मोठी कारवाई; तब्बल ‘इतक्या’ कोटींची मालमत्ता केली जप्त
- नाना पटोले काहीही बोलले तरी महाविकास आघाडीला धोका नाही – अजित पवार
- कोहलीच्या कॅप्टनसीमध्ये कोणत्याचं खेळाडूची जागा सुरक्षित नाही : मोहम्मद कैफ
बातम्यांसाठी YouTube चॅनेल Subscribe करा
Subscribe Now
