🕒 1 min read
मुंबई – शिवसेना आणि भाजप यांच्यातील राजकीय संघर्ष टोकाला गेलेला आहे. केंद्रीय मंत्री नारायण राणे यांना अटक केल्यानंतर हा संघर्ष आणखी पेटणार अशी शक्यता वर्तविली जात असताना केंद्रीय तपास यंत्रणांच्या धडक कारवाईमुळे महाविकास आघाडीच्या नेत्यांचे धाबे दणाणले आहेत.
काल शिवसेनेच्या खासदार भावना गवळी यांच्याशी संबंधित काही संस्थांवर ईडीने छापे टाकले आहेत. तर दुसऱ्या बाजूला राष्ट्रवादीचे नेते एकनाथ खडसे आणि परिवहन मंत्री अनिल परब यांच्या देखील अडचणी ईडीने वाढवल्या आहेत. अनिल परब यांना ईडीने नोटीस बजावली असून आज ईडी कार्यालयात हजर राहणाचे आदेश देण्यात आले होते मात्र आता परब हे या चौकशीसाठी हजर राहणार नसल्याचे समोर आले आहे.
अनिल परब यांनी ईडीला एक पत्र लिहिले असून या पत्राच्या माध्यमातून त्यांनी आपण चौकशीसाठी हजर राहू शकत नाही असं कळवलं आहे. पूर्वनियोजित कार्यक्रम असल्याने या चौकशीसाठी उपस्थित राहू शकत नाही असं परब यांनी कळवलं आहे. सोबतच त्यांनी दोन आठवड्यांचा वेळ देखील ईडीकडे मागितला असल्याचे सांगण्यात येत आहे.
महत्त्वाच्या बातम्या
- सतर्क राहा : पुढचे ३-४ दिवस मुसळधार ते अतिमुसळधार पावसाचे; हवामान विभागाचा अंदाज
- संतापजनक : महिला अधिकाऱ्यावर फेरीवाल्याचा जीवघेणा हल्ला; दोन बोटं तुटली
- ‘बंद है मंदिर, बंद पाठशाला, खुली है लेकीन ‘मधुशाला’; भाजप महिला मोर्चाचा हल्लाबोल
- धार्मिक स्थळं बंद करण्यामागे सरकारचा हेतू काय?, राणाजगजितसिंह पाटील यांचा सवाल
- सरकारच्या नाकावर टिच्चून मनसेने मध्यरात्री दहीहंडी फोडली; पोलिसांनी 3 जणांना ताब्यात घेतले
