🕒 1 min read
औरंंगाबाद : शहरात दुचाकी, चारचाकी चोऱ्यांचे सत्र सुरू असतानाच एका चालकाने बसवर बोगस नंबर टाकून प्रवाशांची ने-आण करण्याचा गोरखधंदा सुरू केला होता. गुन्हे शाखेच्या पथकाने सोमवारी दुपारी छावणी येथील होलीक्रॉस शाळेजवळून ही बस ताब्यात घेवून तिघांवर छावणी पोलिस ठाण्यात गुन्हा दाखल केला.
गुन्हे शाखेचे सहायक निरीक्षक अजबसिंग जारवाल यांनी सांगितले की, होलीक्रॉस शाळेसमोर एक खासगी ट्रॅव्हल बस क्रमांक (एमएच-१७-एजी-०१११) उभी दिसली. तेथील लोकांना बसबाबत विचारपूस केली असता राजेश रविकांत रानडे (वय ३४, शांतीपुरा) याने ही बस त्याच्या ओळखीच्या शकील याच्यामार्फत शोहेबभाई (रा. अहमदनगर) याच्याकडून तीन हजार रुपये रोजाने प्रवासी वाहतुकीसाठी घेतल्याचे सांगितले.
रानडेला बसच्या कागदपत्रांविषयी विचारणा केली असता त्याने उडवाउडवीची उत्तरे दिली. त्यामुळे पोलिसांचा संशय बळावला. बसचे इंजिन आणि चेसिस क्रमांक पडताळून पाहिला असता बस क्रमांक वेगळा असल्याचे निष्पन्न झाले. बसचा मूळ क्रमांक (एमएच-४६-जे-७७७२) हा असून त्यावर टाकलेला क्रमांक जळगाव येथील एका खासगी ट्रॅव्हल बसचा आहे. याप्रकरणी गुन्हे शाखेने राजेश रानडे, शकील आणि शोहेब यांच्याविरोधात फसवणुकीचा गुन्हा दाखल करून आठ लाखांची ट्रॅव्हल बस जप्त केली.
महत्त्वाच्या बातम्या
- मी माझी स्थिती एकनाथ खडसेंसारखी होऊ देणार नाही-पंकजा मुंडे
- ‘१२ आमदारांच्या नियुक्त्या का केल्या नाहीत?’, हायकोर्टाच्या प्रश्नांमुळे राज्यपालांची कोंडी
- ‘या’ कारणामुळे मी फडणवीसांना माझा नेता मानत नाही; पंकजा मुंडेंचा खुलासा
- ओबीसी आरक्षणात मुख्यमंत्री ठाकरे, शरद पवार हेच झारीतील शुक्राचार्य-चंद्रशेखर बावनकुळे
- सध्याच्या परिस्थितीत काँग्रेसचा स्वबळाचा नारा खरचं पचणी पडणारा आहे का?
