उस्मानाबाद: संचारबंदीच्या काळात गुन्हेगारी वाढताना दिसत आहे. शासकीय गोदाम फोडून चोरट्यांनी सव्वा लाख रुपये किंंमतीचे बियाणे लंपास केले. ही घटना उस्मानाबाद तालुक्यातील ढोकी येथे सोमवारी रात्री घडली. याप्रकरणी ढोकी पोलीस ठाण्यात गुन्हा नोंद करण्यात आला आहे. चोरीच्या वाढत्या घटनेमुळे शेतकऱ्यासह नागरिकात भितीचे वातावरण पसरले असून पोलिसांनी चोरट्यांना जेरबंद करावे, अशी मागणी होत आहे.
याबाबत पोलिसांनी दिलेली अधिक माहिती अशी की, ढोकी येथे बियाणाचे शासकीय गोदाम आहे. सोमवारी रात्री गोदामाच्या परिसरात सामसूम असल्याची संधी साधून चोरट्यांनी गोदामाचा पत्रा उचकटून आत प्रवेश केला. तेथील हरभरा बीज प्रक्रीया केलेल्या ‘जॅकी’ या वाणाची ३२ पोती बियाणे चोरट्यांनी लंपास केले. त्याची किंमत १ लाख २५ हजार रुपये आहे.
ही घटना सोमवारी रात्री १ ते ३ च्या दरम्यान घडली. याप्रकरणी बीज प्रक्रीया केंद्र अभियंता पंडीत विश्वनाथ जाधव यांनी मंगळवारी ढोकी पोलीस ठाण्यात धाव घेवून याप्रकरणी फिर्याद दिली. त्यावरून अज्ञात चोरट्याविरूध्द भा.दं.सं. कलम ४६१, ३८० अंतर्गत गुन्हा नोंद करण्यात आला आहे. या प्रक्ररणात चौकशी करून आरोपींवरती लवकरात लवकर कारवाई करण्यात येईल.
महत्वाच्या बातम्या
- रामदास आठवले एक महिन्याच्या वेतनातून आंबेडकरी कलावंतांना मदत करणार
- नांदेड जिल्ह्यात रुग्णसंख्या घटली चोवीस तासात ७६९ रुग्ण बाधित; १२३४ जणांना सुटी
- पराभवातही कर्णधार वॉर्नरने रचला इतिहास; बनला आयपीएलमधील पहिलाच खेळाडू
- महाराष्ट्र दिन साजरा करण्यासाठी सरकारची निमयावली जारी
- २४ तासानंतरही धुमसतेय वखार महामंडळाच्या गोदामाची आग;२२ कोटींचे नुकसान
बातम्यांसाठी YouTube चॅनेल Subscribe करा
Subscribe Now
