कोलकत्ता : पश्चिम बंगाल विधानसभा निवडणुकीच्या मजमोजणीला सुरुवात झाली आहे. निकालाचे पहिले कल हाती येण्यास सुरुवात झाली आहे. पश्चिम बंगालमध्ये कडेकोट बंदोबस्तात सकाळी ८ वाजता मतमोजणीला सुरुवात झाली आहे. टपाली मतदानांची मोजणी सुरू झाली आहे. या कलानुसार तृणमूल आणि भाजप मध्ये जोरदार रस्सीखेच पाहायला मिळत आहे.
संपूर्ण देशाचे लक्ष लागून असलेल्या पश्चिम बंगाल विधानसभा निवडणुकीचे निकालाची मतमोजणी सुरू असून पश्चिम बंगालच्या मुख्यमंत्री ममता बॅनर्जी या पिछाडीवर आहेत. ममता दीदी तब्बल १५ हजार मतांनी पिछाडीवर असून तृणमूल ची चिंता वाढली आहे.
तर सुरुवातीच्या कलांमध्येच भाजपने बंगालमध्ये जोरदार मुसंडी मारलेली पाहायला मिळत आहे. भाजपने ११० जागांवर आघाडी मिळवली आहे. तर तृणमूल कॉंग्रेस १३७ जागांवर आघाडीवर असल्याचे पाहायला मिळत आहे. परंतु कॉंग्रेसच्या पदरात घोर निराशा पडल्याचे चित्र दिसत आहे. कॉंग्रेसला केवळ ६ जागांवर आघाडी असल्याचे चित्र साध्या दिसत आहे.
विधानसभेच्या 294 जागांसाठी पश्चिम बंगालमध्ये आठ टप्प्यांत मतदान झाले होते. सत्तेच्या सिंहासनावर बसण्यासाठी १४८ ही मॅजिक फिगर आहे. त्यामुळे कोणता पक्ष बहुमताच्या या आकड्यापर्यंत पोहोचणार याकडे सर्वांच्या नजरा लागल्या आहेत.
महत्त्वाच्या बातम्या
- बेळगाव कुणाचं ? लोकसभा पोटनिवडणूक मतमोजणीला सुरुवात
- ‘घरी विलगीकरणातील रुग्णांना वेळीच रुग्णालयात हलविण्यासंदर्भात ज्येष्ठ डॉक्टर्सचा नियंत्रण कक्ष उभारा’
- दिलासा: आता प्राप्तिकर भरण्यासाठी ३१ मे पर्यंत मुदत
- ‘पुनावालांच्या आरोपांवर खरं-खोटं तपासण्याची गरज’, जितेंद्र आव्हाडांची मागणी
- औरंगाबादेत सर्व प्रतिबंधात्मक आदेशांना १५ मेपर्यंत मुदतवाढ, जिल्हाधिकाऱ्यांचे आदेश
