गांधीनगर मनपा निवडणुकीत भाजपाचा दणदणीत विजय

गुजरात : गुजरातमधील गांधीनगर महानगरपालिका निवडणुकीत भाजपाने चांगलेच यश मिळविले आहे. या निवडणुकीत भाजपाने ४४ पैकी ४१ जागांवर विजय मिळवत आपले वर्चस्व दाखवून दिले. तसेच काँग्रेस व आम आदमी पार्टीला मात्र मोठ्या अपयशाला सामोरे जावे लागले आहे.

या महापालिका निवडणुकीत ११ वॉर्डातील ४४ जागांसाठी एकूण १६२ उमेदवार निवडणुकीसाठी उभे होते. महापालिका निवडणुकीचे मतदान रविवारी पार पडल्यानंतर आज मतमोजणी झाली. यासंदर्भात बोलत असतांना भाजपा प्रदेशाध्यक्ष सीआर पाटील यांनी म्हणाले की,’४४ पैकी ४१ जागांवर भाजपाला जनतेने विजयी केले आहे. यावरून हे दिसून येते की लोकांचा पंतप्रधान मोदींवर विश्वास आहे. तसेच, या निवडणुकीतून हे देखील स्पष्ट झाले की, गुजरातमध्ये तिसऱ्या पक्षासासाठी काही स्थान नाही.’

दरम्यान, निवडणुकीत आम आदमी पार्टीने ४० जागांवर उमेदवार उभा केले होते. तर, अन्य उमेदवारांमध्ये बसपाचे १४, राष्ट्रवादी काँग्रेसचे दोन, अन्य पक्षांचे सहा आणि अपक्ष ११ उमेदवारांचा समावेश होता. जवळपास ५६.२४ टक्के मतदान झाले होते.

महत्त्वाच्या बातम्या

• वीजग्राहकांच्या सेवेला व वीजबिल वसुलीला सर्वोच्च प्राधान्य – नितीन राऊत
• मी विधानपरिषदेचा आमदार असल्याने संपूर्ण राज्य हाच माझा मतदारसंघ आहे – मुख्यमंत्री
• लखीमपूर हिंसाचार प्रकरणी संजय राऊत घेणार राहुल गांधींची भेट
• ‘शेतकऱ्यांचा आवाज दाबण्याचा प्रयत्न उत्तर प्रदेशमधील सरकार करत आहे’
• केंद्रीय पथकाकडून होणार नुकसानग्रस्त भागांची पाहणी, केंद्रीय मंत्री भागवत कराडांचे सुतोवाच!