कागल – मराठा आरक्षणासाठीच्या कायदेशीर लढाईत महाविकास आघाडी सरकारने कच खाल्ली आहे. आता आरक्षण मिळविण्यासाठी मराठा समाजाकडून जी आंदोलनात्मक पावले टाकली जातील, त्यामध्ये भाजपचा प्रत्येक कार्यकर्ता पक्षाची ओळख बाजूला ठेवून मराठा आंदोलकांच्या खांद्याला खांदा लावून सहभागी होईल, आणि मी त्यांच्यासोबत असेन अशी माहिती भाजपाचे जिल्हाध्यक्ष व शाहु जनक घराण्याचे वंशज राजे समर्जीतसिंह घाटगे निवेदनाद्वारे दिली.
मराठा आरक्षण हा राज्यातील मराठा समाजाच्या विकासाचा व समाजातील तरुणांच्या भवितव्याचा मुद्दा असतानाही महाविकास आघाडी सरकारने यामध्ये जाणीवपूर्वक कायदेशीर लढाईत कुचराई केली आहे. असा आरोप करून ते म्हणाले,फडणवीस सरकारने या मुद्द्यावर घटनात्मक कार्यवाही करून दिलेल्या आरक्षणाचादेखील आघाडी सरकारने मुडदा पाडला आहे. त्यामुळे यापुढे आरक्षणासंदर्भात मराठा समाजाच्या वतीने व नेतृत्वात जी आंदोलने होतील त्यामध्ये भाजपा पक्षीय ओळख बाजूला ठेवून सहभागी होईल असे पक्षाचे प्रदेशाध्यक्ष चंद्रकांत पाटील यांनी जाहीर केले आहे. त्यानुसार राज्यात होणाऱ्या आंदोलनांमध्ये भाजपचे कार्यकर्ते सहभागी होतील.
आरक्षणाचा मुद्दा निकाली निघेपर्यंत हा लढा सुरू ठेवण्याचा भाजपचा निर्धार असून मराठा समाजास आरक्षण देण्याची आघाडी सरकारची मानसिकताच नसल्याने आघाडी सरकारने मराठा समाजाची घोर फसवणूक केली आहे, हे सर्वोच्च न्यायालयाचे निकालपत्र वाचल्यावर उघड होते. ठाकरे सरकारने मराठा समाजाची ही फसवणूक थांबवावी व समाजास न्याय द्यावा.
या प्रश्नावर सरकारला जागे करणेसाठी यापुढे होणाऱ्या प्रत्येक राज्यव्यापी आंदोलनांत भाजपचा सक्रीय सहभाग राहील, राज्यातील मागासवर्गीय आयोगाची मुदत संपल्यानंतर नवा आयोग स्थापन करण्यातही महाविकास आघाडी सरकार चालढकल करत असून त्यावरूनच आरक्षणाच्या प्रश्नावर सरकारची नकारात्मक मानसिकता स्पष्ट होत आहे, वेळकाढूपणा करून मराठा समाजाचा प्रक्षोभ शांत करण्याचा महाविकास आघाडी सरकारचा डाव आहे तो यापुढे हाणून पाडला जाईल, असेही श्री.घाटगे यांनी यानी प्रसिद्धीस दिलेल्या निवेदनात म्हटले आहे.
महत्वाच्या बातम्या
- उस्मानाबाद जिल्हा कारागृहात ‘एवढ्या’ बंदींना कोरोनाची लागण
- ‘घरात नाही दाणा पण मला “वॅक्सिन गुरू” म्हणा…’; चाकणकरांची केंद्रावर टीका
- कोरोना संशोधन गटाच्या प्रमुखांचा तडकाफडकी राजीनामा; सरकारी धोरणांविषयी व्यक्त केलेली नाराजी
- सकारात्मक! २५ दिवसांनंतर कोरोनाचे नवे रुग्ण तीन लाखांपेक्षाही कमी
- जडेजाच्या तलवारबाजीची धोनीनं केली हुबेहूब नक्कल ; उथप्पालाही आवरले नाही हसू
