पुणे : मागील काही दिवसांपासून छत्रपती संभाजीराजे मराठा आरक्षणाच्या मुद्द्यावर चांगलेच संतापलेले पाहायला मिळाले आहेत. काल शिवराज्याभिषेक दिनाच्या निमित्ताने खासदार संभाजी छत्रपती यांनी मराठा आरक्षणासाठीच्या आंदोलनाची घोषणा केली आहे. येत्या 16 जून रोजी मराठा आरक्षणासाठी पहिला मोर्चा काढण्यात येणार आहे. कोल्हापूरमध्ये छत्रपती शाहू महाराजांच्या समाधीस्थळावरून हा मोर्चा काढण्यात येणार असल्याची घोषणा संभाजी छत्रपती यांनी केली आहे.
दरम्यान आता संभाजीराजे यांच्या आंदोलनाला भाजपचा पाठिंबा असेल. त्यांच्या आंदोलनात भाजप सहभागी होणार, अशी घोषणा भाजपचे प्रदेशाध्यक्ष चंद्रकांत पाटील यांनी केली आहे. छत्रपती संभाजीराजे यांचे नेतृत्व आम्हाला मान्यच आहे कारण ते आमचे राजे आहेत, भाजपाचे नेते आहेत. मराठा समाजाला न्याय मिळवून देण्यासाठी संघर्ष करण्याच्या त्यांच्या भूमिकेचे आम्ही स्वागतच करतो. त्यांच्या नेतृत्वाखाली आंदोलनांमध्ये आम्ही सहभागी होणारच आहोत, अशी घोषणा चंद्रकांत पाटील यांनी आज पुण्यात केली आहे.
दरम्यान आज महसूलमंत्री बाळासाहेब थोरात यांनी राष्ट्रवादीचे अध्यक्ष शरद पवार यांची भेट घेतल्यानंतर माध्यमांशी संवाद साधताना संभाजीराजेंच्या आंदोलनावर भाष्य केलं आहे. ‘संभाजीराजेंच्या डोक्यात राजकारण नाहीये. ते मराठा तरुणांचं संघटन करण्याचं विधायक काम करतायत. त्यामुळे त्यांच्या आंदोलनाचे स्वरूप देखील ते समजदारवृत्तीने करतील,’ असं भाष्य बाळासाहेब थोरात यांनी केलंय.
महत्वाच्या बातम्या
- हे सरकार म्हणजे कोरोनाच्या महालात झोपलेलं भुताटकीचं सरकार – सदाभाऊ खोत
- बाहेर लोकांना उपदेश करणाऱ्या बुवाने केली पत्नीला मारहाण; सोशल मिडीयावर व्हिडीओ व्हायरल
- ‘सरकारने घालून दिलेल्या सर्व नियमाचे पालन जनतेने केल्याने कोरोना रुग्ण संख्या आटोक्यात येतेय’
- ‘आमच्यावर कारवाई केली, मग ‘त्या; प्रकरणावरून मुख्यमंत्री ठाकरेंवरही गुन्हा दाखल करावा’
- ‘पहाटेच्या शपथविधीनंतर साहेबांनी घरी घेतलं नसतं, तर तुमची लायकी काय झाली असती?’
