…तर शरद पवारांच्या घराबाहेर आंदोलन करणार – गोपीचंद पडळकर

पंढरपूर : मराठा समाजानंतर आता धनगर समाज देखील आरक्षणाच्या मागणीसाठी रस्त्यावर उतरला आहे. धनगर समाजाचा ओबीसी प्रवर्गामध्ये समावेश करुन आदिवासी समाजाच्या सवलती तातडीने लागू कराव्यात, अशी धनगर समाजाची मागणी आहे. या मागणीसाठी आज पंढरपुरात भाजप आमदार गोपीचंद पडळकर यांच्या नेतृत्वाखाली ‘ढोल बजाव, सरकार जगाव’ हे आंदोलन करण्यात आले.

यावेळी ढोल वाजवून जर सरकारला जाग आली नाही, तर राष्ट्रवादीचे अध्यक्ष शरद पवार यांच्या सिल्व्हर ओक आणि मुख्यमंत्री उद्धव ठाकरे यांच्या मातोश्री निवासस्थानासमोर आंदोलन करणार, असा इशारा आमदार गोपीचंद पडळकर यांनी दिला आहे.

धनगर आंदोलन राज्यभर विविध ठिकाणी होत आहे. राज्यभरातील ग्रामपंचायत, नगर पालिका , मंदिर , जिल्हाधिकारी कार्यालयासमोर आंदोलन होईल, अशी माहिती आमदार गोपीचंद पडळकर यांनी दिली. मी स्वतः पंढरपूर येथे आंदोलनात सहभागी होत आहे, असं पडळकर म्हणाले.

महत्वाच्या बातम्या 

• बिहारचं ठरलं ! तीन टप्प्यात मतदान तर १० नोव्हेंबरला लागणार निकाल
• नगर-मनमाड महामार्ग सिमेंट काँक्रिटीकरण व्हावा, राष्ट्रवादीच्या नेत्याचे गडकरींना साकडे
• ‘बिग बॉस’ १४ येणार लवकरच प्रेक्षकांच्या भेटीला…
• भाजपचं नुकसान होईल असं काहीही नाथाभाऊ करणार नाहीत – विनोद तावडे
• आज एक महिला पूर्ण सरकारला पराजित करीत आहे, फडणवीसांचा जोरदार टोला