अर्णब म्हणजे कातडं पांघरलेला वाघ नाही, भाजप नेत्याचा घणाघात…

मुंबई : अन्वय नाईक प्रकरण सध्या देशभरात गाजत आहे. या प्रकरणी रायगड पोलिसांनी रिपब्लिक टीव्हीचे संपादक अर्णब गोस्वामीला अटक केली आहे. अर्णब गोस्वामी यांच्या अडचणीत दिवसागणिक वाढ होताना दिसत आहे. अर्णब गोस्वामी यांच्यासह फिरोज शेख, नितेश सरडा या तिन्ही संशयित आरोपींची रवानगी अलिबागमधील नगरपालिकेच्या शाळेत करण्यात आली होती. काल, अर्णबच्या जामीनावर सुनावणी झाली मात्र तिथे देखील त्याला न्यायालयाने दिलासा न दिल्याने आज त्याची कारागृहात रवानगी करण्यात आली आहे.

दरम्यान सुप्रीम कोर्टाने मला मदत करावी, अशी मागणी अर्णब गोस्वामी यांनी तळोजाकडे येताना केली आहे. मला माझ्या वकिलांशी बोलून दिले नाही, असा आरोपही त्यांनी केला आहे. माझ्या जीवाला धोका आहे, माझ्यावर अन्याय होत आहे, मला बेल द्या, असंही ते म्हणाले.

यानंतर अर्णबवरील ही कारवाई राजकीय सूडबुद्धीने केली जात असल्याचा आरोप करत भाजप नेत्यांनी निषेध केला. तर, राज्यभरात अनेक ठिकाणी भाजपतर्फे आंदोलन देखील करण्यात आलं. भाजपचे आमदार अतुल भातखळकर यांनी देखील यावरून शिवसेनेला जोरदार टोला लगावला आहे. ‘अर्णब गोस्वामी यांना मारहाण आणि मानसिक छळ करून त्यांचे तोंड बंद करण्याचा प्रयत्न करणारे मूर्खांच्या नंदनवनात राहतायत. तो कातडं पांघरलेला वाघ नाही’. अस भातखळकर म्हणाले आहेत.

अर्णब गोस्वामी यांना मारहाण आणि मानसिक छळ करून त्यांचे तोंड बंद करण्याचा प्रयत्न करणारे मूर्खांच्या नंदनवनात राहतायत. तो कातडं पांघरलेला वाघ नाही… @OfficeofUT pic.twitter.com/u1BOF1Xq1F

— Atul Bhatkhalkar (@BhatkhalkarA) November 9, 2020

दरम्यान, यानंतर अर्णबच्या समर्थनार्थ अभिनेत्री कंगणा राणावत पुढे आली आहे. अर्णब गोस्वामी यांना जितकं टॉर्चर केलं जाईल ते तिकडे कणखर होऊन बाहेर येतील असं कंगणा राणावतने म्हटलं आहे. तिने या संदर्भात एक व्हीडिओ ट्विट केला आहे. तसेच इतिहासात अर्णब यांना हिरो म्हणून ओळखलं जाईल असंही कंगणा म्हणाली आहे. बॉलिवूडमधील ड्रग्ज माफीया, चाईल्ड ट्रॅफिकिंग आणि सोनिया गांधी यांचं खरं नाव घेतल्यामुळे टॉर्चर केलं जात असल्याचं कंगणा राणावतने म्हटलं आहे. तर, अन्वय नाईक प्रकरणात महाराष्ट्र सरकारने अर्णब गोस्वामीविरोधात केलेल्या कारवाईवरही कंगणाने प्रश्नचिन्ह उपस्थित केले आहेत.

Arnab ji is being tortured for exposing drug mafia and child trafficking business in Bullydawood and of course calling Sonia ji by her original name #ArnabGoswami pic.twitter.com/h5uYpgKmNo

— Kangana Ranaut (@KanganaTeam) November 8, 2020

महत्वाच्या बातम्या 

• गानसम्राज्ञी लता मंगेशकर यांचे देखील मुख्यमंत्र्यांनच्या आवाहनाला समर्थन  
• ‘आरेतील जागेचा व्यावसायिक वापर होणार नाही याचे वचन मुख्यमंत्र्यांनीच आता द्यावे’
• ‘कोण आला रे कोण आला आरपीआय चा वाघ आला’
• ‘जो बायडन आणि तेजस्वी यादव यांचा संघर्ष ढोंगशाहीविरुद्ध होता, तो यशस्वी होताना दिसतोय’
• अक्षयच्या ‘लक्ष्मी’ समर्थानात सेलिब्रिटींनी लक्ष्मीच्या लाल बिंदी उपक्रमासाठी पाठिंबा दर्शविला