टीम महाराष्ट्र देशा- मनसे कार्यकर्ते प्रशांत जाधव यांना मारहाण केल्याप्रकरणी पनवेलमधील भाजपचा फरार नगरसेवक विजय चिपळेकरला अटक करण्यात आली आहे. मुंबई युनिट ३च्या गुन्हे शाखेच्या अधिकाऱ्यांनी विजय चिपळेकरसह प्रशांत म्हात्रेला शेडुंग टोल नाका पनवेल येथून अटक केली आहे.
चिपळेकर यांच्यासह त्यांच्या सात ते आठ साथीदारांनी २९ एप्रिलला मनसे कार्यकर्ते प्रशांत जाधव यांच्यावर जीवघेणा हल्ला केला होता. या प्रकरणी कामोठे पोलीस स्थानक इथे गुन्ह्याची नोंद करण्यात आली होती. हा हल्ला सीसीटीव्हीमध्ये रेकॉर्ड झाला आहे. या हल्ल्यात प्रशांत जाधव गंभीर जखमी झाले असल्याने त्यांना रूग्णालयात दाखल करण्यात आले होते.
