भाजप आ. अभिमन्यू पवार यांना हायकोर्टाची नोटीस

औरंगाबाद : भारतीय जनता पक्षाचे औसा (जि. लातूर) मतदारसंघाचे आमदार अभिमन्यू पवार यांना हायकोर्टाने नोटीस बजावली आहे. त्यांच्या निवडीस प्रतिस्पर्धी उमेदवाराने निवडणूक याचिकेद्वारे औरंगाबाद खंडपीठात आव्हान दिले आहे. याचिकेवर आठ आठवड्यानंतर पुढील सुनावणी होईल.

२०१९ साली विधानसभेच्या निवडणुका झाल्या. औसा मतदारसंघातून अभिमन्यू पवार यांनी भारतीय जनता पक्षातर्फे निवडणूक लढविली आणि ते विजयी झाले. पराभूत उमेदवार बजरंग जाधव यांनी त्यांच्या निवडीला आक्षेप घेत ॲड. प्रल्हाद बचाटे यांच्यामार्फत याचिका दाखल केली.

आ. पवार यांनी नामनिर्देशन पत्रात विस्तृत माहिती सादर केलेली नाही. त्यांच्या व्यवसायासंबंधीचा उल्लेख केलेला नाही असे याचिकेत म्हटले आहे. ॲड. बचाटे यांनी सर्वोच्च न्यायालयाचा निवाडा आणि निवडणूक आयोगाचे मार्गदर्शक तत्वानुसार याचिकेत नमूद करण्यात आलेली माहिती विस्तृतपणे देणे बंधनकारक असल्याचे खंडपीठाच्या निदर्शनास आणून दिले. आ. पवार यांची निवड रद्द करावी अशी विनंती याचिकेत करण्यात आली आहे. न्या. व्ही. के. जाधव यांनी पराभूत सर्व उमेदवार व निवडणूक आयोगास नोटीस बजावली.

महत्वाच्या बातम्या

• आरबीआयच्या निर्णयानंतर आता गुगल प्ले स्टोअरने देखील हटवले लोन देणारे ॲप्स  …
• बीडमध्ये डान्स टिचरला ऑनलाईन गंडा
• धनंजय मुंडे प्रकरणी संजय राऊत म्हणाले…
• मेहबूब शेख यांच्याविरोधात तांत्रिक पुरावे नाही
• शेतकरी आणि केंद्र सरकार यांच्यात आज पुन्हा चर्चा; सर्वोच्च न्यायालयाने स्थगिती दिल्यानंतर पहिली बैठक