मुंबई : राज्य आणि देशात गेल्या काही आठवड्यापासुन कोरोनाचा प्रादुर्भाव पुन्हा एकदा वेगाने वाढत आहे. कोरोनाच्या या लाटीत चित्रपट तसेच क्रिडा क्षेत्रातील अनेक मान्यवरांना कोरोनाची लागण झाली आहे. याच कोरोनाच्या सावटाखाली भारतात आयपीएल स्पर्धा सुरु आहे. याच स्पर्धेतील चेन्नई संघाचा कर्णधार महेंद्रसिंह धोनीच्या कुटुंबीयांना कोरोनाची लागण झाल्याची माहिती समोर आली आहे.
महेंद्रसिंह धोनीच्या आई वडीलाची कोरोना चाचणी सकारात्मक आली आहे. त्यांना उपचारासाठी रांची येथील बरियातू रोडवर असलेल्या पल्स हॉस्पिटलमध्ये उपचारासाठी दाखल करण्यात आले आहे. डॉक्टरांनी दिलेल्या माहितीनुसार धोनीच्या आई वडीलांची प्रकृती स्थिर आहे. तसेच दोघांची ऑक्सिजन पातळीही सामान्य आहे. कोरोनाचे संक्रमण जास्त वाढले नाही त्यामुळे ते लवकरच बरे होतील अशी अपेक्षा डॉक्टरांनी व्यक्त केली आहे.
महेंद्रसिंह धोनी हा सध्या आयपीएल स्पर्धेत व्यस्त आहे. तो चेन्नई सुपर किंग्स संघाचे नेतृत्व करत आहे. मुंबई येथे चेन्नई सुपर किंग्ज विरुद्ध राजस्थान रॉयल्स यांच्यात झालेला हंगामातील बारावा सामना त्याने जिंकला होता. हा त्याचा कर्णधार म्हणून आयपीएलमधील २०० वा सामना होता. धोनीबरोबर त्याची साक्षी आणि मुलगी झिवा हेदेखील मुंबईत आहेत.
महत्वाच्या बातम्या
- कठीण काळात मदतीला धावून आले अंबानी, 700 टन ऑक्सिजनचा करणार मोफत पुरवठा
- बीडमध्ये रुग्णांच्या नातेवाईकांची धावपळ होणार कमी; खाटांची माहिती पोर्टलवर होणार दर तासाला अपडेट
- सामना सुरु असताना पोलार्डने धवनला दिली ‘मांकडिंग’ चेतावणी; व्हिडिओ व्हायरल
- राज्यात आरोग्य आणि आर्थिक आणीबाणी लावा, काँग्रेसच्या आमदाराचे मोदींना पत्र
- तीन लाखांसाठी घेतला विवाहितेचा जीव; सासरच्या लोकांवर गुन्हा दाखल
