नवी दिल्ली : भारत विरुद्धच्या दुसऱ्या एकदिवसीय सामन्यात (भारत विरुद्ध दक्षिण आफ्रिका) स्लो ओव्हर रेटसाठी दक्षिण आफ्रिकेला मॅच फीच्या २० टक्के दंड ठोठावण्यात आला आहे. आंतरराष्ट्रीय क्रिकेट परिषदेने (ICC) शनिवारी सांगितले की, टेम्बा बावुमाच्या संघाने निर्धारित वेळेत एक षटक कमी टाकला. ही बाब लक्षात घेऊन सामनाधिकारी अँडी पायक्रॉफ्ट यांनी हा दंड निश्चित केला.
ICC ने जारी केलेल्या निवेदनानुसार, “संघातील सदस्यांसाठी ICC आचारसंहितेच्या कलम २.२२ नुसार (किमान ओव्हर-रेटच्या दंडाबाबत) प्रत्येक षटकाच्या विलंबासाठी खेळाडूच्या मॅच फीच्या २० टक्के दंड ठोठावण्यात आला आहे. बावुमा यांनी आरोप स्वीकारला असल्यामुळे औपचारिक सुनावणीची गरज नसल्याचे ICC ने म्हटले आहे.
मैदानावरील पंच मरैस इरास्मस आणि एड्रियन होल्डस्टॉक, तिसरे पंच बोंगानी जेले आणि चौथे पंच अलाउद्दीन पालेकर यांनी शुक्रवारी सामन्यानंतर हे आरोप केले. दक्षिण आफ्रिकेने शुक्रवारी हा सामना सात गडी राखून जिंकून तीन सामन्यांच्या मालिकेत २-० अशी आघाडी घेत मालिका खिश्यात घातली.
महत्वाच्या बातम्या:
- “बापाचं राज्य आहे का?”; जितेंद्र आव्हाड केंद्र सरकारवर संतापले
- Oscar 2022 : सुर्याचा ‘जय भीम’ आणि मोहनलालचा ‘मरक्कर’ या वर्षीच्या ऑस्करच्या यादीत
- सलमानचा पगडी बांधलेला लूक अन् प्रज्ञा जैस्वालच्या रोमान्सचा तडका, ‘मैं चला’ गाणं व्हायरल
- “हायकमांडने झापल्यानंतर नाना पटोलेंनी कथित ‘मोदी’ तयार केला”; भाजप खासदाराचा आरोप
- मुख्यमंत्री योगी आदित्यनाथ यांच्या सभेत चक्क उर्फी जावेद? जाणून घ्या सत्य