पंढरपूर : राष्ट्रवादीचे दिवंगत आमदार भारत भालके यांच्या निधनाने रिक्त झालेल्या आणि राष्ट्रवादीसह भाजपनेही प्रतिष्ठेच्या केलेल्या या निवडणुकीच्या निकालाकडे सर्वांचेच लक्ष असणार आहे. राष्ट्रवादीने भालके यांचे चिरंजीव भगीरथ भालके यांना उमेदवारी दिली असून भाजपने त्यांच्याविरोधात समाधान आवताडे यांना उभं केलं आहे. वंचित बहुजन आघाडी, स्वाभिमानी शेतकरी संघटनेसह एकूण १९ उमेदवार या निवडणुकीच्या रिंगणात उतरले असले तरी खरी लढतही भालके आणि आवताडेंमध्येच होताना दिसत आहे.
लोकसभा, विधानसभांसह इतरही निवडणुका लढवल्यामुळे आणि छोट्या पडद्यावरील ‘बिग बॉस’ या रिअॅलिटी शो मुळे प्रसिद्धीच्या झोतात आलेले सातारकर अभिजीत बिचुकले हे पंढरपूर मंगळवेढा विधानसभा मतदारसंघाच्या पोटनिवडणुकीत उतरले होते. ‘ही निवडणूक मीच जिंकणार’ असा विश्वास घेवून अभिजीत बिचुकले यांनी अपक्ष उमेदवारी अर्ज दाखल केला होता. बिचुकलेंनी नेहमीप्रमाणे निवडणुकीच्या रिंगणात अचानक उडी घेतल्यामुळे येथील रंगत वाढली होती.
मात्र, १९ व्या फेरीपर्यंतच्या आडेवाडीनुसार अभिजीत बिचुकले यांना केवळ ५४ मतं मिळाली आहेत. म्हणजे, बिचुकले यांना तीन आकडीही संख्या गाठता आली नाही. शिवसेनेतून बंडखोरी केलेल्या शैला गोडसे यांनाही फक्त ८०० मतं मिळाली आहेत.
महत्वाच्या बातम्या
- पहिल्यांदाच मुंबईने केला २०० पेक्षा धावांचा पाठलाग; ‘या’ संघाने केला सर्वाधिक वेळा पाठलाग
- ‘..तर अमेरिकेला गंभीर परिणाम भोगावे लागतील’, उत्तर कोरियाचा इशारा
- ‘या’ कारणामुळे पराभव झाला, धोनीने सांगितले कारण…
- अबकी बार दीदी २०० पार, भाजपची शंभरीत दमछाक !
- बंगालमध्ये कोरोनामुळे मृत्यू झालेला तृणमूल कॉंग्रेसचा उमेदवार आघाडीवर
