🕒 1 min read
औरंगाबाद : दिल्ली शेतकरी आंदोलन प्रकरणातील टूलकिटचे बीड कनेक्शन समोर आले आहे. याबाबत काल सोमवारी ‘महाराष्ट्र देशा’ने बातमीही प्रकाशित केली होती. ग्रेटा थनबर्ग टूलकिटप्रकरणी बंगळुरू येथून दिशा रवी हिला अटक केल्यानंतर दिल्ली पोलिसांकडून गुन्ह्यातील बीड येथील शंतनू शिवलाल मुळक याच्याविरोधात अजामीनपात्र वॉरंट काढण्यात आले आहे. टूलकिट गुगल डॉकसाठी वापरण्यात आलेला ई मेल आयडी शंतनूचा असल्याचा दावा केला जात आहे. दिल्ली न्यायालयात अटकपूर्व जामिनासाठी अर्ज करेपर्यंत, अटक टाळण्यासाठी मुळक याने मुंबई उच्च न्यायालयाच्या औरंगाबाद खंडपीठात अटकपूर्व जामीन अर्ज सादर केला आहे. या अर्जावर आज मंगळवारी सुनावणी होण्याची शक्यता आहे.
शनिवारी रात्री साधारण नऊच्या सुमारास दिल्ली सायबर सेलचे पो.नि.सज्जनसिंग व त्यांच्या पथकातील कर्मचारी बीडमध्ये दाखल झाले होते. त्यानंतर चौकशीच्या अनुषंगाने त्यांनी बीड पोलीस दलातील वरिष्ठ अधिकाऱ्यांशी चर्चा केली. एखाद्या गुन्ह्यासंदर्भात पोलीस हद्दीबाहेर जावून चौकशी करण्यासाठी संबंधित ठाणे प्रमुखांची परवानगी घ्यावी लागते. त्यानुसार दिल्ली पोलीसांनी शिवाजीनगर ठाण्यात येवून त्यांना हव्या असलेल्या संशयितांच्या पत्त्याबाबत तसेच अधिकची माहिती शिवाजीनगर पोलीस ठाण्याचे निरीक्षक साईनाथ ठोंबरे यांच्याकडून जाणून घेत शहरातील काही राजकीय पक्षांशी संबंधित असलेल्या पदाधिकाऱ्यांची चौकशी केली.
दरम्यान,अटक करण्यात आलेल्या दिशावर शेतकऱ्यांशी संबंधित असलेल्या टूलकिटमध्ये बदल करणे आणि आणखी मुद्दे समाविष्ट करून पुढे पाठवल्याचा आरोप ठेवण्यात आला आहे. याप्रकरणी पर्यावरण कार्यकर्त्या ग्रेटा थनबर्ग हिने एक ट्विट करत शेतकऱ्यांना पाठिंबा दर्शवला होता. या ट्विटसह ग्रेटा थनबर्गने एक टूलकिट ट्विट केले होते. सामाजिक कार्यकर्त्या आणि वकील असलेल्या निकिता जेकब यांच्या विरोधातदेखील अजामीनपात्र वॉरंट बजावण्यात आले असून, पोलिसांच्या कारवाईपासून बचावासाठी त्यांनी मुंबई उच्च न्यायालयात धाव घेतली आहे.
महत्वाच्या बातम्या
- सिनेस्टाईल खूनाचा उलगडा; दारू पाजली, गळा आवळला, पेट्रोल टाकून गाडी दरीत लोटली
- जालनेकरांची खड्डेमय रस्त्यातून होणार सुटका; आमदार कैलास गोरंट्याल यांच्या प्रयत्नांना यश
- ये नया हिंदुस्तान है…जाणून घ्या LAC वरुन चीनने अचानक माघार का घेतली?
- पंतप्रधान पदावरच्या व्यक्तीने विरोधकांच्या भूमिकेवर यु-टर्न सारखी शेरेबाजी करणे शोभते का ?
- धुळ्यासाठी २१० कोटींचा प्रारुप आराखडा मंजूर-अब्दुल सत्तार
