मुंबई: बिबट्या सफारी कुठे होणार असा प्रश्न पुणे जिल्ह्यात चर्चेत होता. पण आता ही सफारी उपमुख्यमंत्री अजित पवार आणि खासदार सुप्रिया सुळेंच्या मतदारसंघात होणार असल्याचा शिक्कामोर्तब झाला आहे. पुण्यातील वनविभागाचे उपवनसंरक्षक अधिकारी राहुल पाटील यांनी याबाबत माहिती दिली आहे. दरम्यान यावरूनच भाजप नेते राम सातपुते (Ram Satpute ) यांनी थेट शरद पवारांवर (Sharad Pawar) निशाणा साधला आहे.
“बारामती म्हणजेच यांचा महाराष्ट्र आहे. पवारांना वाटते बारामती चा विकास म्हणजे महाराष्ट्राचा विकास. जुन्नर सारख्या निसर्गरम्य तालुक्यात हा प्रकल्प करता आला असता पण सगळंच बारामतीला .महाराष्ट्र उपाशी बारामती तुपाशी.”, अशी टीका राम सातपुते यांनी केली आहे.
बारामती म्हणजेच यांचा महाराष्ट्र आहे.
पवारांना वाटत बारामती चा विकास म्हणजे महाराष्ट्राचा विकास.
जुन्नर सारख्या निसर्गरम्य तालुक्यात हा प्रकल्प करता आला असता पण सगळंच बारामतीला .
महाराष्ट्र उपाशी
बारामती तुपाशी .. @Dev_Fadnavis @AjitPawarSpeaks @mataonline pic.twitter.com/Gcw9dCOUYv— Ram Satpute (@RamVSatpute) March 17, 2022
दरम्यान बारामती तालुक्यातील गाडीखेल येथील १०० हेक्टर जागा निश्चित करण्यात आली आहे. नुकत्याच सादर झालेल्या अर्थसंकल्पात अजित पवारांनी बिबट्या सफारीसाठी ६० कोटींच्या निधीची तरदूत केलेली आहे.
दरम्यान बारामतीला हलवलेली बिबट्या सफारी पुन्हा जुन्नरला आणावी, अशी मागणी राष्ट्रवादीचे आमदार अतुल बेनकेंनी केली आहे. पुणे पर्यटन जिल्हा जाहीर झाल्यानंतर जुन्नरला बिबट्या सफारीचा प्रकल्प जाहीर झाला होता. पण कालांतरांने तो प्रकल्प बारामतीला जात असल्याचे वन खात्याकडून जाहीर करण्यात आले आहे.
महत्वाच्या बातम्या:
- Ranji Trophy: अबब! एकाच सामन्यात ‘१०००’ धावांची लीड ; झारखंडने नागालँडची खिल्ली उडवली!
- चीनच्या मानगुटीवर बसलेले कोरोनाचे भूत उतरायला तयार नाही- संजय राऊत
- “…तर परीक्षा केंद्र कायमचे रद्द केले जाणार”, वर्षा गायकवाड यांचा मोठा निर्णय
- IPL 2022: जिमी नीशमने आयपीएलच्या नवीन नियमांबाबत दर्शवली नाराजी; चाहत्यांनी ट्विटरवर झापले
- नवज्योत सिंग सिद्धूंनी दिला पंजाब कॉंग्रेस प्रदेशाध्यक्ष पदाचा राजीनामा
