औरंगाबाद काँग्रेस नेत्यांची शिवसेनेवर टीका; मनपा निवडणुकीतील आघाडीवर प्रश्नचिन्ह

🕒 1 min read

औरंगाबाद– प्रदेश नेत्यांच्या भूमिकेनंतर औरंगाबादमधील स्थानिक काँग्रेस नेते देखील आता ‘संभाजीनगर’ नामकरणाला विरोध करत आहे. औरंगाबाद महानगरपालिका निवडणुकीच्या तोंडावर शिवसेना, भाजप आणि मनसेने औरंगाबादचे नामांतर संभाजीनगर करण्याचा मुद्दा प्रतिष्ठेचा केलाय. मात्र राज्यात महाविकास आघाडीचे सरकार असल्याने स्थानिक काँग्रेस नेत्यांना शिवसेनेच्या विरोधात भूमिका घेता येत नव्हती. मात्र प्रदेशाध्यक्ष बाळासाहेब थोरात यांनी अशा नामांतराला काँग्रेसचा विरोध असेल हे स्पष्ट केले. त्यानंतर आता स्थानिक नेत्यांनी देखील शिवसेना आणि भाजपच्या या भूमिकेला विरोध दर्शवला आहे.

काँग्रेसचे शहरातील नेते माजी नगरसेवक अफसर खान यांनी मतदारांमध्ये तेढ निर्माण करणाऱ्या अशा मुद्द्यांचा मनपा निवडणुकीवर परिणाम होणार नसल्याचं म्हटलंय. निवडणुकीच्या काळातच शिवसेना आणि भाजपला संभाजीनगरचा मुद्दा आठवत असल्याची टीकाही त्यांनी केली. महाविकास आघाडीच्या सत्ता स्थापनेनंतर पहिल्यांदाच स्थानिक काँग्रेस नेते शिवसेनेच्या विरोधात बोलत आहे. त्यामुळे आगामी महानगरपालिका निवडणूक महाविकासआघाडी एकत्र लढेल का? यावर प्रश्नचिन्ह उपस्थित झाले आहे.

कारवाई करण्याची मागणी

स्मार्ट सिटी प्रकल्पांतर्गत शहरात ‘सुपर संभाजीनगर’चे बॅनर लावण्यात आले आहेत. त्यानंतरच खऱ्या अर्थाने या वादाला सुरुवात झालीये. शिवसेनेच्या स्थानिक नेत्यांच्या पुढाकारातूनच शहरात संभाजीनगरचे बोर्ड लावण्यात आले आहेत. हे बोर्ड लावणा-यांवर कायदेशीर कारवाई करण्याची मागणी अफसर खान यांनी केलीये.

महत्वाच्या बातम्या

• जिओनंतर एअरटेल ग्राहकांना आनंदाचीबातमी; एअरटेलच्या या प्लानमध्ये बदल…
• सरकारी नोकरी मिळवण्याची पदवीधरांना नामी संधी !
• नवं वर्षात सिद्धार्थ-कियारा मालदीवमध्ये एकत्र
• कोहली-रहाणेच्या तुलनेवर सचिनचे भाष्य
• प्रत्येक आजारावर वॅक्सीन येईल पण आजारी मानसिकतेवर कधीच औषध येणार नाही : निलेश राणे