औरंगाबाद : चिकलठाण्यात उभारण्यात येत असलेल्या जिल्हा क्रीडा संकुलाचे काम लवकरात लवकर सुरू होण्याच्या दृष्टीने मंगळवारी (दि. 2) जिल्हाधिकारी सुनील चव्हाण यांनी संकुलाच्या जागेची पाहणी केली. यावेळी संकुलाच्या जागेची सीमा निश्चित करून अतिक्रमण केलेल्या शेतकऱ्यांना नोटीस देत अतिक्रमण तत्काळ हटविण्याचे निर्देश जिल्हाधिकाऱ्यांनी संबंधित अधिकाऱ्यांना दिले.
यावेळी जिल्हाधिकारी सुनील चव्हाण यांच्यासह जिल्हा परिषदेचे मुख्य कार्यकारी अधिकारी डॉ. मंगेश गोंदावले, उपविभागीय अधिकारी रामेश्वर रोडगे, जिल्हा क्रीडा संकुल समितीचे सदस्य सचिव तथा जिल्हा क्रीडा अधिकारी कविता नावंदे, पोलीस उपअधीक्षक डॉ. विशाल नेहुल, सार्वजनिक बांधकाम विभागाचे कार्यकारी अभियंता एस.एस. भगत, तहसीलदार एस.एन. लाड, क्रीडा अधिकारी चंद्रशेखर घुगे, तलाठी विशाल मगरे तसेच संबंधित अधिकारी उपस्थित होते.
चिकलठाणा येथील गट क्रमांक 216 व 217 मधील एकत्रित 14.96 हेक्टर म्हणजेच जवळपास 37 एकर गायरान जमिनीवर उभारण्यात येत असलेल्या या जिल्हा क्रीडा संकुल परिसरात असलेल्या नैसर्गिक जलस्त्रोताचा संकुल उभारण्यात उपयोग करावा. त्याच बरोबर हे संकुल सर्व सोयीसुविधायुक्त परिपूर्ण आणि उत्कृष्ट दर्जाचे व्हावे यादृष्टीने योग्य ती कार्यवाही करण्याच्या सूचनाही जिल्हाधिकाऱ्यांनी अधिकाऱ्यांना दिल्या.
महत्वाच्या बातम्या
- राज्यातील कायदा व सुव्यवस्था ढासळली, पंजाबमध्ये आता गुंडाराज !
- शिवसेना काही अंतिम श्वासापर्यंत आमचा शत्रू असणार नाही, मुनगंटीवारांचे संकेत ?
- ‘संज्या राऊत झटपट दिल्लीला आंदोलनात फोटो काढायला गेला, मात्र कधी मराठा आंदोलकांना भेटला नाही’
- कोरोना महामारीच्या पार्श्वभूमीवर यावर्षी अर्थसंकल्प तयार करणे हे फार कठीण काम होते – शहा
- मुंबईत लवकरच नाईट लाईफ सुरू करणार : आदित्य ठाकरे
बातम्यांसाठी YouTube चॅनेल Subscribe करा
Subscribe Now
