‘सिडकोच्या जमिनी फ्री होल्ड करण्याचा निर्णय सर्वानुमते घेणार’

औरंगाबाद : मुख्यमंत्री उद्धव ठाकरे यांचा शुक्रवारी औरंगाबाद दौरा झाला. यावेळी मुख्यमंत्र्यांनी शहरातील विविध विकास कामांचा आढावा घेतला. जिल्हाधिकारी कार्यालयात झालेल्या बैठकीत शहरातील विविध विषयांसह प्रलंबित असलेल्या सिडकोच्या जमिनी फ्री होल्ड करण्याचाही विषय निघाला होता. यावेळी पालकमंत्री सुभाष देसाई म्हणाले की, सिडकोच्या जमिनी फ्री होल्ड करण्यासाठी सर्वानुमते योग्य निर्णय घेण्यात येणार आहे.

औरंगाबाद शहरातील सिडको प्रकल्पातील लीज होल्ड असलेल्या जमीन धारकांना बँकेत कर्ज घेताना अडचणी येतात, टीडीआर लोड करण्यासाठी, बेस एफएसआय 1.1 झाल्यामुळे सिडको क्षेत्रातील मालमत्तांच्याबाबत 0.1 एफएसआय संदर्भात आकारण्यात येणारे प्रीमियम शुल्क कमी करणे, 20 मीटर रस्त्याखालील निवासी तसेच वाणिज्य मालमत्तांना बेसरेटच्या 75 टक्के आणि 20 मीटर रस्त्यांवरील मालमत्तांना 100 टक्के प्रिमियम आकारणी करण्यात येते. प्रीमियम शुल्क मनपाप्रमाणे 35 टक्के असावा, अशा सिडको प्रकल्पातील जमीनधारकांच्या अडचणी आहेत.

दरम्यान, याच विषयावर गत महिन्यात जिल्हाधिकारी सुनील चव्हाण यांनी सिडको, नगर रचना आणि मनपा विभागाच्या अधिकाऱ्यांशी सविस्तर चर्चा करून प्रस्ताव तयार करण्याबाबत सूचनाही केल्या होत्या.

महत्वाच्या बातम्या

• शेतकरी आंदोलनात सरकारची डोकेदुखी ठरत असलेल्या ट्विटरवर भारत सरकार बंदी घालणार ?
• पदोन्नतीसाठी देखील आरक्षणाची तरतूद करा; रामदास आठवलेंची राज्यसभेत मागणी
• बागवे व जोशींची नियुक्ती ‘पुणे कॉंग्रेस’ची मरगळ दूर करणार का?
• ‘बाळासाहेबांच्या स्मारकासाठी महापौर निवास ताब्यात घेऊन स्मारक न करणं याला टाइमपास म्हणतात’
• एका वर्षात स्मार्ट सिटीने ४३८ कोटीचे प्रकल्प पूर्ण केले- प्रशासक पांडेय