मुंबई: शिवसेना खासदार राजेंद्र गावित (Shiv Sena MP Rajendra Gavit) यांना पालघर जिल्हा न्यायदंडाधिकारी प्रथम वर्ग न्यायालयाने एक वर्षाच्या कारावासाची शिक्षा ठोठावली आहे. राजेंद्र गावित यांनी व्यावसायिक चिराग किर्ती बाफना यांना दीड कोटीचे चेक दिले होते. मात्र ते चेक बाऊन्स झाल्याने त्यांच्यावर न्यायालयात खासगी दावा करण्यात आला होता. यावरच न्यायालयाने त्यांना एक वर्ष कारावास आणि १ कोटी ७५ लाख रुपये दंडाची शिक्षा दिली आहे. यावरूनच भाजप नेते अतुल भातखळकर (BJP leader Atul Bhatkhalkar) यांनी ठाकरे सरकारवर निशाणा साधला आहे.
“हा महाराष्ट्रावर अन्याय आहे काय? भ्रष्टाचाराचे शेण खाल्ल्यावर हे नशिबी येतेच.जमिनीच्या व्यवहारातील फसवणुकीबद्दल शिवसेना खासदार राजेंद्र गावितांना १ वर्षाचा तुरुंगवास आणि १.७५ कोटींचा दंड ठोठावण्यात आला आहे. “, असे ट्वीट करत अतुल भातखळकर यांनी ठाकरे सरकारवर निशाणा साधला आहे.
हा महाराष्ट्रावर अन्याय आहे काय???भ्रष्टाचाराचे शेण खाल्ल्यावर हे नशिबी येतेच….
जमिनीच्या व्यवहारातील फसवणुकीबद्दल शिवसेना खासदार राजेंद्र गावितांना १ वर्षाचा तुरुंगवास आणि १.७५ कोटींचा दंड ठोठावण्यात आला आहे. pic.twitter.com/LfDllml39z
— Atul Bhatkhalkar (@BhatkhalkarA) February 15, 2022
दरम्यान यापूर्वी महाविकास आघाडी सरकारमधील राज्यमंत्री बच्चू कडू यांनाप्रथमवर्ग न्यायालयाने दोन महिन्यांची सश्रम कारावासाची शिक्षा सुनावली, तर आता शिवसेना खासदार राजेंद्र गावित यांनाही एक वर्षाचा कारावास दिला आहे. त्यामुळे भाजपकडून महाविकास आघाडी सरकारला निशाण्यावर धरले जात आहे.
महत्वाच्या बातम्या:
- “मुख्यमंत्र्यांना शिवजयंती उत्सवावर संख्येचे बंधन घालताना जनाची नाही तर मनाची तरी…?”, भातखळकरांचा टोला
- “शाख़ों से टूट जाएँ वो पत्ते नहीं हैं हम…” संजय राऊतांचा विरोधकांना इशारा
- भाजपचे गंडांतर पाहूनच लोकशाहीच्या संरक्षणासाठी मविआ सरकारची स्थापना-सचिन सावंत
- “अण्णांनी महाराष्ट्राचा अपमान गिळला…” ; शिवसेनेची खोचक टीका
- हिजाब परिधान करणं ही वयक्तित बाब परंतु… तृप्ती देसाई यांची प्रतिक्रया
