संपत्तीसाठी जन्मदात्याला जिवे मारण्याचा प्रयत्न

औरंंगाबाद : संपत्तीसाठी पोटच्या मुलाने दुस-या पत्नीच्या मदतीने जन्मदात्या वडीलांना विष पाजून जीवे मारण्याचा प्रयत्न केल्याचा धक्कादायक प्रकार समोर आला आहे. ही घटना एमआयडीसी वाळूज परिसरातील रांजणगाव-शेणपुंजी येथील एकतानगरात घडली आहे. अविनाश गौतम वाठोरे (रा.एकतानगर, कृष्णानगर, रांजणगाव-शेणपुंजी) असे वडीलांना विष पाजून जिवे मारण्याचा प्रयत्न करणा-या मुलाचे नाव आहे.

गौतम वाठोरे (वय ५२, रा.एकतानगर,कृष्णानगर रांजणगाव-शेणपुंजी) यांनी बारा बाय तीस फुटाचा प्लॉट घेवून त्यावर दोन मजली घर बांधले असून सदरील घरात मोठा मुलगा अविनाश वाठोरे हा दुस-या पत्नीसह राहतो. तर गौतम वाठोरे हे पत्नी इंदुबाई गौतम वाठोरे, आकाश गौतम वाठोरे, अंकुश गौतम वाठोरे हे दुसरीकडे राहतात राहतात. आपल्या घरात राहण्यासाठी जागा मिळावी म्हणून वाठोरे दांम्पत्याने पोलिसात तक्रार दिली होती. त्यानंतर पोलिसांनी अविनाश वाठोरे याला बोलावून तंबी देत वाठोरे दांम्पत्याला त्यांच्या घरात ठेवले होते.

घटनेच्या दिवशी २६ फेब्रुवारी रोजी रात्री साडेनऊ वाजेच्या सुमारास दारूच्या नशेत घरी आलेल्या अविनाश वाठोरे याने घर खाली करा असे म्हणत आपले वडील गौतम वाठोरे यांना विष पाजले, तर त्याची दुसरी पत्नी सीमा हिने इंदुबाई वाठोरे यांना पकडून ठेवले होते. इंदुबाई वाठोरे यांनी या घटनेची माहिती अविनाश वाठोरे याची पहिली पत्नी मंदाकिनी वाठोरे हिला कळविल्यानंतर मंदाकिनी वाठोरे यांनी घटनास्थळी धाव घेवून गौतम वाठोेरे यांना उपचारासाठी घाटीत दाखल केले होते. याप्रकरणी एमआयडीसी वाळूज पोलिस ठाण्यात गुन्हा दाखल करण्यात आला आहे.

महत्वाच्या बातम्या

• प. बंगालमध्ये राजकीय भूकंप; माजी मंत्र्याने केला भाजपात प्रवेश, 76 नेते ममतांची साथ सोडण्याच्या तयारीत
• विकेटच्या मागून एवढी बडबड का करतोस? पंतने दिलं अभिमानास्पद उत्तर
• मनसुख हिरेन प्रकरणाची निष्पक्ष चौकशी होईल ना ?, चित्रा वाघांचा ठाकरे सरकारला सवाल
• मृत्युपूर्वी हिरेन यांनी मुख्यमंत्र्यांना लिहिले होते पत्र; पत्रातून झाला धक्कादायक खुलासा
• ‘कायदा सर्वोच्च, त्याच्याशी बांधील राहिलं पाहिजे’ तापसीच्या प्रियकराला केंद्रीय क्रीडा मंत्र्याचं प्रतिउत्तर !